محکمہ تعلقات عامہ کے سینئر کلرک محمد طفیل خاں اور ڈرائیور برکت علی کی ریٹائر منٹ پر الوداعی تقریب
بہاول پور ( صبح پا کستان ) ڈائریکٹر تعلقات عامہ رانا اعجاز محمود نے کہا ہے کہ ریٹائرمنٹ ملازمت کا اہم حصہ ہے ۔خوش قسمت ہیں وہ افراد جنہوں نے اپنے فرائض نہایت خوش اسلوبی اور فرض شناسی سے انجام دیئے۔ وہ حال ہی میں ریٹائرمنٹ حاصل کرنے والے محکمہ تعلقات عامہ کے سینئر کلرک محمد طفیل خاں اور ڈرائیور برکت علی کی مدت ملازمت ختم ہونے کے موقع پر منعقدہ ایک تقریب سے خطاب کر رہے تھے۔اس موقع پر ڈپٹی ڈائریکٹر ناصر حمید، انفارمیشن آفیسر سید عابد حسن رضوی، نعمان مسعود خان، اکاؤنٹس آفیسر غلام اصغر، پکٹوریل اینڈ پبلسٹی آفیسر انیس احمد خاں، ڈاکٹر ندیم نسیم، ملک اللہ دتہ، فضل محمود، ریاض حسین بھٹہ، سلیم حسین، محمد زین، عرفان علی اور دیگر ملازمین موجود تھے۔ ڈائریکٹر پبلک ریلیشنز نے کہا کہ طفیل خاں اور برکت علی نے اپنے فرائض نہایت ایمانداری سے انجام دیئے۔ وہ اپنے کام میں ماہر اور بہت باصلاحیت ملازم تھے۔انہوں نے دعا کی کہ وہ ریٹائرمنٹ کے بعد کی زندگی خوشی اور اطمینان کے ساتھ بسر کریں۔
