لیہ(صبح پا کستان)آل پاکستان مسلم لیگ کی لیہ میں دبنگ انٹری، سابق امیدوار قومی اسمبلی پارٹی میں شامل ہو گئے۔جیسل کلاسر ہ میں منعقد آل پاکستان مسلم لیگ کے ورکر کنونشن میں سابق امیدوار قومی اسمبلی ڈاکٹر محمد بلال کلاسرہ پارٹی میں شامل ہو گئے ، کنونشن سے خطاب کرتے ہوئے صوبائی صدر ڈاکٹر فرخ چیمہ نے کہاکہ پرویز مشرف نے پاکستان کو بہت ہی کم عرصے میں دنیا کی بڑی طاقت کے طور پر منوایا یہی وجہ ہے کہ آج پرویز مشرف کی یاد ہرپاکستانی کو ستا رہی ہے۔انہوں نے کہاکہ پاکستان میں خوشحالی کی ضمانت صرف پرویز مشرف ہیں، کنونشن سے خطاب کرتے ہوئے امیدوار قومی اسمبلی ڈاکٹر بلال کلاسرہ نے کہاکہ پرویز مشر ف کی قائدانہ صلاحیتوں کی بدولت آج ملک کا بچہ بچہ ان کی طرف دیکھ رہا ہے، انہوں نے کہالیہ کی جو آج ہمیں ترقی نظر آتی ہے وہ ان کی مرہون منت ہے، ڈاکٹر بلال کلاسرہ نے کہاکہ آئندہ انتخابات میں پرویز مشرف کے وژن سب سے پہلے پاکستان لوگون کے دل کی آواز بن چکا ہے۔ کنونشن سے خطاب کرتے ہوئے ضلعی صدر محمد انور تھند نے پارٹی میں شامل ہونے والوں کو خوش آمدید کہتے ہوئے پارٹی کا سرمایہ قرار دیا۔انہوں ے کہاکہ ضلع لیہ کے ہر صوبائی و قومی حلقوں سے مضبوط امیدوار کھڑ ے کئے جائیں گے۔ کنونشن میں مرکزی و صوبائی رہنماؤں نے بھی خطاب کیا۔ کنونشن میں لوگوں کی بڑی تعداد نے شرکت کی جنہوں نے مشرف کے حق میں نعرے بھی لگائے۔
