ڈیرہ غازی خان ۔ وادی کشمیر میں بھارتی جارحیت نے ظلم کے تمام ریکارڈ توڑ دئیے ،حکومت کشمیر کے متعلق دو ٹوک رویہ اختیار کرے۔ضلعی ناظمہ شہناز فیض

ڈیرہ غازی خان (صبح پا کستان) موجودہ حکومت کشمیر کے متعلق اپنا دو ٹوک رویہ اختیار کرے مودی حکومت کا ظلم انشاء اللہ ٹوٹ کر رہے گا یہ بات جماعت اسلامی حلقہ خواتین کی ضلعی ناظمہ شہناز فیض نے کشمیر سیمنار سے خطاب کرتے ہوئے کہی انہوں نے کہا کہ وادی کشمیر میں بھارتی جارحیت نے ظلم کے تمام ریکارڈ توڑ دئیے ہیں ہزاروں نوجوان ، خواتین بچے جام شہادت نوش فرما چکے ہیں نام نہاد انسانی حقوق کی تنظیمیں لب کشائی کیے ہوئی ہیں انشاء اللہ کشمیر پاکستان کا حصہ رہے گا اس سیمینار سے شہلہ ، یاسمین ، شاہدہ رحیم ، شہناز سجاد ، فرحت بزدار نے بھی خطاب کیا ۔