راستوں پر پختہ ریمپ تعمیر نہ کئے جانے پر موضع احمد یار رڈ کے شہر یوں کا احتجاج
کوٹ سلطان (صبح پا کستان) موضع احمد یار رڈ میں ٹھیکیدار کی مبینہ ہٹ دھر می کے سبب پختہ سڑک بناتے ہوئے گنجان آباد بستیوں کو جانے والے راستوں پر پختہ ریمپ تعمیر نہ ہو سکے جس سے مکینوں کو آمد و رفت میں شدید مشکلات کا سامنا ہے اویس چوک تا پکہ اعوان آباد تک زیر تعمیر پختہ سڑک کے کناروں پر ٹھیکیدار کی جانب سے ریمپ نہ بنانے سے مقامی لوگوں کو آنے جانے میں شدید مشکلات کا سامناہے اہل علاقہ چوہدری شاہد جبار،محمد اسلم ، احمد بخش، محمد حنیف،منیر احمد ،نذیر احمد،محمد صدیق،سہیل علی ،محمد بلال اور دیگر نے میڈیا کو بتایا کہ نئی سڑک کی تعمیر سطح زمین سے کئی فٹ بلند کی گئی ہے مگر مقامی آبادی کو جانے والے راستوں پر پختہ ریمپ تعمیر نہیں کیے گئے جس سے اہل علاقہ خاص کر ریڑی بانوں ،شتر بانوں اور معذور افراد کو آنے جانے میں شدیدمشکلات کا سامنا ہے ،مکینوں کے مطابق کے مطابق کئی بار ٹھیکیدار کو اس مسئلہ بارے آگاہ کیا گیا مگر صورت حال جوں کی توں ہے ،علاقہ مکینوں نے محکمہ شاہرات کے اعلیٰ آفیسران سے فوری اصلاح احوال کا مطالبہ کیا ہے ۔
رپورٹ ۔ ملک فہیم منجوٹھہ پریس رپورٹر
