• ہوم پیج
  • ہمارے بارے
  • رابطہ کریں
  • پرائیوسی پالیسی
  • لاگ ان کریں
Subh.e.Pakistan Layyah
  • صفحہ اول
  • ہمارے بارے
    • لیہ کی تاریخ
  • خبریں
    • صفحہ اول
    • جنوبی پنجاب
      • لیہ نیوز
      • ڈیرہ غازی خان
      • مظفر گڑھ
      • راجن پور
      • ملتان
      • بہاول پور
      • خانیوال
      • رحیم یار خان
    • قومی/ بین الاقوامی خبریں
  • نیوز بلٹن
  • کالم
    • شب و روز زندگی
  • شاعری
  • سروسز
  • وڈیوز
No Result
View All Result
  • صفحہ اول
  • ہمارے بارے
    • لیہ کی تاریخ
  • خبریں
    • صفحہ اول
    • جنوبی پنجاب
      • لیہ نیوز
      • ڈیرہ غازی خان
      • مظفر گڑھ
      • راجن پور
      • ملتان
      • بہاول پور
      • خانیوال
      • رحیم یار خان
    • قومی/ بین الاقوامی خبریں
  • نیوز بلٹن
  • کالم
    • شب و روز زندگی
  • شاعری
  • سروسز
  • وڈیوز
No Result
View All Result
Subh.e.Pakistan Layyah
No Result
View All Result

سپہ سالارامن۔حضرت محمد (صلی اللہ علیہ وسلم) ۔۔۔ایک خوشبو کا سفر

webmaster by webmaster
فروری 7, 2016
in First Page, کالم
0
سپہ سالارامن۔حضرت محمد (صلی اللہ علیہ وسلم) ۔۔۔ایک خوشبو کا سفر

سپہ سالارامن۔حضرت محمد (صلی اللہ علیہ وسلم) ۔۔۔ایک خوشبو کا سفر
تبصرہ: حسیب اعجاز عاشر
Sipasalar-e-Aman - Titleپاک ٹی ہاوس میں کئی صحافی دوستوں سے خوبصورت ملاقات کا شرف حاصل ہوا،مگراِن میں نسیم الحق زاہدی سے میری یہ پہلی ملاقات تھی ، گپ شپ کا سلسلہ چلا اور چائے کے آخری گھونٹ سے قبل ہی پہلی ملاقات اِنکی خوش کلامی، خوش اخلاقی،ملنساری کے باعث پُرانی دوستی میں بدل گئی ۔انہوں نے اپنے منتخب کالموں کے پہلے مجموعے ’’سپہ سالارامن۔۔۔حضرت محمد (صلی اللہ علیہ وسلم)‘‘کے اول صفحہ پر’’مکرمی جناب حسیب اعجاز عاشرؔ صاحب کی خدمت عالیہ میں انتہائی ادب و احترام کے ساتھ ۔۔ذوقِ مطالعہ اور تبصرہ کے لئے‘‘لکھ کر اپنے اُردو دستخط کے ساتھ بے تکلفانہ انداز میں یہ کہتے ہوئے کہ ’’تبصرہ ضرور کیجئے گا ‘‘مجھے تھما دی۔دیدہ زیب سرورق، عمدہ کاغذ اور دلکش کتابت،مطالعہ میں تاخیر ممکن تھی مگر تبصرے کی شرط نے فوراًمطالعہ پر آمادہ کر دیا،ویسے میں کوئی تبصرہ نگار یا نقاد تو نہیں بس انکے لاجواب مقدس مجموعہ کالم کے سرسری مطالعہ سے نسیم الحق زاہدی کے قلب و ذہن میں اتر کر انکی سوچ و فکر کو پرکھ کر جو تاثرات فی البدیع قائم ہوئے،پیش کرنے کی جسارت کر رہاہوں ۔ حقیقت تو یہ ہے کہ نسیم الحق زاہدی کی شخصیت اور قلمی ہنرمندیاں ’’سپہ سالارامن۔۔۔حضرت محمد (صلی اللہ علیہ وسلم)‘کے مطالعہ کے بعد ہی مجھ پر منکشف ہوئیں ہیں ۔اور میں یہ بات اب ڈنکے کی چوٹ پرکہہ سکتا ہوں کہ یہ ایک اُجلا مسلمان،نکھرا پاکستانی، دردِ دل رکھنے والاشفاف و نفیس انسان اور ایک ایسا سچا اور کھرا لکھاری ہے کہ جسے نہ نام کی حوس ہے نہ دام کی لالچ، جس کی ایمانی قوت اسے اپنے مقصد سے کبھی ہٹنے نہیں دیتی۔نسیم الحق زاہدی کا تعلق شہرلاہورہے اور اپنی قلمی خدمات کے اعتراف میں گولڈ میڈلسٹ برائے امن ۲۰۱۲، امن ایوارڈ ۲۰۱۲ اور مادر ملت محترم فاطمہ جناح ایوارڈ ۲۰۰۳بھی حاصل کر چکے ہیں،بقول نسیم کے انکی بہت کم لوگوں سے طبیعت ملتی ہے اسی واسطے حلقہ یاراں کم اور انجمن رقیباں زیادہ رکھتے ہیں،انکے لکھنے کا مقصد کوئی ایوارڈ وصول کرنا نہیں بلکہ دنیا کفر کو یہ پیغام دینا ہے جو اسلام کو جبر کا دین اور پیغمبر امن پر انگلیاں اٹھاتے ہیں۔کہ اسلام امن و انسانی حقوق کا علمبردار مذہب ہے اور سپہ سالار امن حضرت محمد (صلی اللہ علیہ وسلم)اس کے بانی و پاسبان ہیں۔اللہ تعالی نے نسیم کو نہ صرف منفی روایات کو مسمار کرنے کے فن سے نوازا ہے بلکہ مثبت روایات کو قائم کرنے کی صفتِ عالیہ سے بھی آراستہ کیا ہے انکی غیر جانبدار تحریریں انقلاب و بغاوت کے ایسی روشن کرنوں میں لپٹی محسوس ہوئی ہیں جویہاں رائج فرسودہ سوچ و نظام کو چیرتی ہوئیں پھوٹنے کو بیتاب ہیں۔
نسیم الحق زاہدی کی یہ نادرکتاب عرصہ قلیل میں مقبولیت کی بلندیوں کو چھونے لگی ہے اور ایسا کیونکر نہ ہو،جس ایمان افروزکتاب کا ٹائٹل ہی ’’سپہ سالارامن۔۔۔حضرت محمد (صلی اللہ علیہ وسلم)‘‘ہو، تو یہ کیسے ممکن ہے وہ بابرکت نہ ہو۔مزید یہ کہ ۔۔۔’’سپہ سالارِ امن۔۔حضرت محمد (صلی اللہ علیہ وسلم)‘‘کو نسیم الحق زاہدی نے جس عظیم ایمانی انداز و بیان میں دنیا کی عظیم تر ہستیوں کے نام کیا ہے اُس سے خودہی اپنی نگاہوں کو ٹھنڈا کیجئے’’رحمت دو عالم حضرت محمد (صلی اللہ علیہ وسلم) کے بعد دنیا میں سب سے زیادہ عدل و انصاف اور امن قائم کرنے والے مرادِ نبی خلیفہ دوئم حضرت عمر فاروق اور حضرت عمر بن العزیز کے نام‘‘جس پر زبان پے جاری بے ساختہ سبحان اللہ سبحان اللہ کے علاوہ ایک لفظ بھی تبصرے میں لکھنے کو نہیں ۔جبکہ ماں کی دعائیں اور اپنوں کی چاہت نے بھی انہیں،انکی سوچ ،ان کے الفاظ اور اندازِ تحریر کو معتبربنادیا ہے جس کا اندازہ اس بات سے لگایا جا سکتا ہے کہ اگلے ہی صفحہ پر انہوں نے قدم بہ قدم حوصلہ افزائی پر اپنی پیاری ماں جو آج انکے ساتھ نہیں ہیں مگر ہمیشہ انکے ساتھ ہیں ۔لختِ جگر صباحت نسیم شیخ، شریک حیات بشری نسیم شیخ سے اظہارِ تشکر بھی کیا ہے ۔ایسے میں رضاالہیِ سے اس کتاب کی مقبولیت میں کیونکر اضافہ نہ ہو۔اس کتاب کے مرتبین نامور لکھاری خانزادہ محمد فرخ اشفاق، عرفان سعیدانور اور علی رضا شاف کا ذکر بھی لازم ہے جن کا خلوص اِس کارِ خیر میں شامل ہے۔
عصرِ حاضر کے معروف نوجوان لکھاری بھی اس کتاب’’سپہ سالارامن حضرت محمد (صلی اللہ علیہ وسلم)‘‘ جسے ایک روشنی کا سفر بھی کہا جا سکتا ہے، پر اپنی خوبصورت آراء کا اظہار کر چکے ہیں،جس کے بعدمجھ جیسے کم علم کے پاس کچھ لکھنے کو بچا ہی نہیں ۔جیسے سید محمد قاسم اِس کتاب میں اپنے پیشِ لفظ میں لکھتے ہیں کہ نسیم الحق زاہدی کی تحریر میں علم بھی ہے اور ادب بھی جو نہ اتنا مقفی مسجع ہے کہ پڑھنے والے کے سر سے گزر جائے اور نہ ہی ایسی ارزاں تحریر کر مدعا بھی واضح نہ کر سکے اسکے قلم میں روانی ،پراثر، پرلطف اور دلپذیر ہے۔یہ ایک ایسا دردِ دل کھنے والا نوجوان ہے جو اصلاح اور بھلائی کے ہر سوتے کو پروان چڑھانے کیلئے بے تاب رہتا ہے اور اس عمل میں مصروف لوگوں پر تحسین و آفریں کے پھول برساتا ہے۔ اس میں شک نہیں یہ قلم اور قلمکار ملک کا قیمتی سرمایا ہے جو یقیناًآگے چل کر نہایت منافع بخش ثابت ہوگا۔سابق صدر پی ایف یو سی عبدالماجد ملک اپنے تبصرے بعنوان ’’نسیم الحق زاہدی عصر حاضر کا خوبصورت لکھاری‘‘میں لکھتے ہیں کہ’’سپہ سالارامن حضرت محمد (صلی اللہ علیہ وسلم)‘‘ نسیم الحق زاہدی کی آقا مدنی (صلی اللہ علیہ وسلم) سے حد درجہ محبت کا ثبوت ہے ،یہ خوبصورت نوجوان من وعن بغیر کسی لگی لپٹی کے بیان کر دیتا ہے اس کی تحریروں میں انسانیت کا درد کوٹ کوٹ کا بھرا ہوا ہے وہ اپنی تحریروں میں امن کا پرچار کرتا بھی دکھائی دیتا ہے اور کہیں کہیں بین المذاہب ہم آہنگی کا درس دیتے ہوئے نظر آتا ہے۔صدر پی ایف یو سی فرخ شہباز وڑائچ ’’زاہدی کون ہے؟‘‘ میں لکھتے ہیں کہ نسیم الحق زاہدی کا قلم روانی سے،سلیقے اور قرینے کے ساتھ پڑھنے والے کو میٹھی خوشبو عطا کرتا ہے۔زاہدی سچے عاشق رسول (صلی اللہ علیہ وسلم) ہیں انہوں نے کتاب کا ٹائٹل بھی آقا مہربانی حضرت محمد (صلی اللہ علیہ وسلم) سے منسوب کیا ہے۔اس کتاب کی اپنی عظمت ہے ،اس کی ناکامی اور کامیابی کا فیصلہ کرنے والے آپ اور میں کون ہوتے ہیں؟۔امید ہے ان کی یہ محنت رنگ لائے گی۔علی رضا شاف اس کتاب پر اپنے تبصرے میں لکھا کہ یہ خوبصورت کتاب’’سپہ سالارامن حضرت محمد(صلی اللہ علیہ وسلم) ‘‘ جس عظیم ہستی پر لکھی گئی ہے ان کی شان میں قلم اٹھانے کی جسارت اور توفیق انہی کو نصیب ہوتی ہے جن پر انکی خاص نظر کرم ہوتی ہے ۔مصنف نے بڑے خوبصورت انداز میں سیدی یا رسول اللہ (صلی اللہ علیہ وسلم) کو امن کا سپہ سالار اور امت مسلمہ کے ایک ایک فرد کو امن کا سرکردہ سپاہی قرار دیا ہے۔
بے شک نسیم الحق زاہدی کا قلم خوابیدہ ذہن کو بیدار کرنے کی طاقت رکھتا ہے ۔بحثیت حساس صحافی کے انہوں نے حقیقت پسندانہ رویے میں مذہبی،معاشی، بدلتے ہوئے سیاسی اور سماجی منظر نامہ کو بہت خوب انداز میں زیر موضوع بنایا ہے۔ انکی تحریروں میں اگر اسلام سے حد درجہ محبت نظر آتی ہے ،تو انسانیت سے ہمدردی اور قومی خدمات کا جذبہ بھی ڈھکا چھپا نہیں رہ سکا۔لرزہ خیز سانحات کے بیان میں بھی انہوں نے نہایت دردمندی سے کام لیا ہے۔نسیم الحق زاہدی نے اس کتاب میں قلم کی آبرو پرکو ہر آنچ سے بچاتے ہوئے ابن الوقت، مفاد پرست، مارِ آستین اور جو فروش گند نما عناصر کے تکلیف در رویے پر گرفت کو مضبوط کرنے کی کامیاب کوشش کی ہے،قابل تحسین ہے۔
زیرِتبصرہ کتاب میں نسیم الحق زاہدی کے مضامین بعنوان’’سپہ سالارِ امن ۔۔حضرت محمد (صلی اللہ علیہ وسلم)‘‘،’’پیغمبرامن‘‘،’’کی محمد (صلی اللہ علیہ وسلم) سے وفا تو نے تو ہم تیرے ہیں‘‘، انسان،امن،اسلام‘‘، ’’تم کس مذہب کی بات کرتے ہو‘‘،’’اسلام امن پسند دین ہے‘‘، ’’امن کا دشمن کون یہودی صلیبی یا مسلمان؟‘‘، بانی امن‘‘،(صلی اللہ علیہ وسلم) ’’اسلام امن کا علمبردار مذہب ہے‘‘، اسلام میں بین المذاہب ہم آہنگی کا تصور‘‘کے علاوہ’مقام شوہر۔۔احادیث کی روشنی میں‘‘ میں بھی اِن کی مالک دو جہان اور شہنشاہ کون و مکاں حضرت محمد (صلی اللہ علیہ وسلم) سے والہانہ عشق ،عظیم الشان محبت ، بے پناہ لگاؤ کا ایک پرعقیدت اظہار ہے ۔جس کے مطالعہ سے شعور سے اندھیرے ہٹتے ہیں چاندنی پھیلنے لگتی ہے۔ کہکشائیں جگمانے لگتی ہیں ،صبح کی روشن کرنیں تن بدن اُجالنے لگتی ہیں اور دل اللہ اور اُس کے رسول (صلی اللہ علیہ وسلم) کی محبت میں محو ہوکر ہم جیسے بے ثمر راہوں میں عمریں برباد کرنے والوں کے ضمیر کو جھنجھورنے لگتی ہیں ۔انہوں نے کئی مواقع پر رب کائنات کی بھرپور حمد و ثناء اُس کی شانِ وحدت و بے نیازی ،یکتائی و کبریائی ،رحمت و مغفرت ،احسان و کرم ،عفوو درگزر اور بندوں کے ساتھ محبت و شفقت کا اعتراف و بیان بھی کیا ہے۔صفحہ نمبر ۳۲ پر ’’کی محمد (صلی اللہ علیہ وسلم) سے وفا تو نے تو ہم تیرے ہیں‘‘ِمیں لکھتے ہیں کہ’’ آنے والے دور میں اس مسلمان قوم کو آزمایا جائے گا ہمیں بہت قربانیاں دینی پڑیں گی ۔آپ کو اپنے بچے،اپنا مال، اپنی عزت اپنی آبرو قربان کرنی پڑیں گی اور یہ اٹل قانون ہے جس میں کوئی بھی ترمیم نہیں کی جا سکتی ‘‘۔جو اِس بات کا ثبوت ہے کہ اللہ اور رسول (صلی اللہ علیہ وسلم) کے لئے مال ،جان وقت سب قربان کردینے کو تیار ہیں اور اِسی کی ذہن سازی کے لئے قلمی جہاد کا آغاز کر چکے ہیں۔اسلام پر کفار کی یلغار کو بھی انہوں نے بے نقاب کرنے کے ایک اچھی و پختا کاوش اپنے ایک کالم بعنوان ’’اسلام کو بدنام کرنے کی یہودی سازش‘‘میں کی ہے جو غیرت مند مسلمان کی رگوں میں ایک عجب سی بے چینی پیدا کردیتا ہے اور خون کچھ کر گزرنے کو کھولنا لگتا ہے۔
اِس امت کی فکر میں نسیم الحق زاہدی کی بے چین روح کی ہچکیاں قرطاس پر ایک زبردست ارتعاش پیدا کر رہی ہیں۔جیسا کہ صفحہ نمبر ۹۱ میں شائع ہونے والے اپنے کالم ’’یہی ایک عیب ہے مجھ میں‘‘میں کیا خوب لکھتے ہیں کہ آج ساری باطن قوتیں اکٹھی ہو چکی ہیں مگر افسوس کی بات تو یہ ہے کہ اس وقت جب کہ ہم مسلمانوں کو اتحاد کی اور ایک ہی جھنڈے تلے اکٹھے ہونے کی سخت ضرورت ہے ۔نسیم الحق زاہدی کے شب و روز اگر اسلام و مسلم کی فکر میں بے چین گزر رہے ہیں تو وہ وطنِ عزیزکی محبت سے بھی لمحہ بھر بے پروا نہیں ،جس کی تڑپ اُن کے کالموں بعنوان ’’سوہنی دھرتی اللہ رکھے قدم قدم آباد تجھے‘‘، ’’حکمران کب سوچیں گے؟‘‘، ’’کیا ہم آزاد ہیں‘‘، ’’میں باغی ہوں‘‘ میں باخوبی محسوس کی جاسکتی ہے۔جبکہ’’مزدور کو مرنے کی جلدی یوں بھی ہے محسن‘‘، ’’محکمہ بہبود آبادی۔۔یا فروغ فحاشی‘‘، جیسے کالموں میں بھی بصارت اور بصیرت نے حیاتِ معاشرت میں بے انصافیوں، طبقاتی تناؤ، تضادات، فسادات،حیات کے نشیب و فراز، استحصال پرگہری نظر رکھی ہے
وقت نے کچھ ایسی کروٹ بدلی ہے کہ سچ لکھنا ناممکن ہے، یا پھرسچ کو اپنے صیح وقت پر لکھا نہیں جاتا، اُس وقت زیرِقلم اورزیرِلب آتا ہے جب سچ اپنی افادیب کھو بیٹھتا ہے مگر نسیم الحق زاہدی اصلاحِ معاشرے کا عزم لئے بڑی دیانتداری سے اپنی آوازِضمیر پرسچ لکھنے اور سچ کو صیح وقت پر لکھنے کے لئے اپنے قلم و قرطاس سے پورا انصاف کر رہے ہیں،جیسا صفحہ نمبر ۶۳ میں اپنے کالم بعنوان ’’مجھے سچ لکھنا ہے‘‘میں خود لکھتے ہیں کہ عصر حاضر میں سچ زہر پینے اور حیوان تیاگ دینے کا نام ہے خود اپنے ہاتھوں سے زہر کا پیالہ پینے کا مرحلہ قیس اور سقراط سے بھی آگے کا ہے اور مجھے اس سنگلاخ مرحلہ کو سر کرنا ہے۔ہماری دعا ہے اللہ تعالی انہیں اپنی امان میں رکھے، نیک مقاصد میں کامیاب و کامران کرے،قلم میں بھرپور طاقت اور الفاظ میں مزیدتاثیر عطا فرمائے۔آمین۔
نوٹ فرما لیں کہ اگست ۲۰۱۵ میں منظر عام پر آنے والی ۱۱۲ صفحات کی یہ کتاب جو ۲۸نادر کالموں پر مشتمل ہے ۲۰۰ روپے قیمت پر حاصل کرنے کے لئے،یا اِس کتاب پر اپنی قیمتی اظہارِرائے کیلئے اِس ای میل آئی ڈی پرصاحبِ کتاب سے رابطہ کیا جا سکتا ہے۔ naseemulhaqnuhz@gmail.com

حسیب اعجاز عاشر Haseeb Ejaz Aashir..

Tags: urdu column by haseeb ejaz
Previous Post

کوٹ سلطان ۔ آئل ٹینکر اور سوزو کی مہران میں ٹکر ، کار سوار محفوظ

Next Post

کوٹ سلطان ۔ موٹر سائیکل اونٹ ریڑھے میں جا لگنے سے نوجوان جاں بحق

Next Post

کوٹ سلطان ۔ موٹر سائیکل اونٹ ریڑھے میں جا لگنے سے نوجوان جاں بحق

جواب دیں جواب منسوخ کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

نیشنل نیوز

وزیراعظم کی ہدایت پر یوٹیلیٹی اسٹورز پر آٹا سستا کردیا گیا
First Page

وزیراعظم کی ہدایت پر یوٹیلیٹی اسٹورز پر آٹا سستا کردیا گیا

by webmaster
مئی 29, 2022
0

اسلام آباد: یوٹیلیٹی اسٹورز پر 10 کلو آٹے کے تھیلے پر 90 روپے اور 20 کلو کے تھیلے پر 180...

Read more
چیئرمین پی ٹی آئی عمران خان نے لانگ مارچ کی تاریخ کا اعلان کردیا

چیئرمین پی ٹی آئی عمران خان نے لانگ مارچ کی تاریخ کا اعلان کردیا

مئی 23, 2022
تحریک انصاف کی رہنما شیریں مزاری گرفتار

تحریک انصاف کی رہنما شیریں مزاری گرفتار

مئی 21, 2022
نوشکی اور پنجگور میں 15 دہشت گرد ہلاک اورفورسز کے 4 جوان شہید ہوئے، وزیرداخلہ

نوشکی اور پنجگور میں 15 دہشت گرد ہلاک اورفورسز کے 4 جوان شہید ہوئے، وزیرداخلہ

فروری 3, 2022
اسلام آبادہائی کورٹ نے چیئر مین نیب کو توہین عدالت کا نوٹس بھیج دیا

اسلام آبادہائی کورٹ نے چیئر مین نیب کو توہین عدالت کا نوٹس بھیج دیا

جنوری 31, 2022
تمام مواد کے جملہ حقوق محفوظ ہیں © 2020
No Result
View All Result
  • صفحہ اول
  • ہمارے بارے
    • لیہ کی تاریخ
  • خبریں
    • صفحہ اول
    • جنوبی پنجاب
      • لیہ نیوز
      • ڈیرہ غازی خان
      • مظفر گڑھ
      • راجن پور
      • ملتان
      • بہاول پور
      • خانیوال
      • رحیم یار خان
    • قومی/ بین الاقوامی خبریں
  • نیوز بلٹن
  • کالم
    • شب و روز زندگی
  • شاعری
  • سروسز
  • وڈیوز

© 2023 JNews - Premium WordPress news & magazine theme by Jegtheme.