کھلی کچہری …….عوام کے مسائل ان کی دہلیز پر حل کرنے کا احسن اقدام

کسی بھی حکمران کی کامیابی کیلئے اس کی رعایا اہم کردارادا کرتی ہے عوام کے مسائل بالخصوص پسماندہ اور دوردراز کے لوگوں کی شکایات کا بروقت ازالہ حکومت کی کامیابی کیلئے زینہ ثابت ہوتا ہے وزیر اعلی پنجاب سردار عثمان احمد خان بزدار پسماندہ علاقے سے تعلق رکھتے ہیں او رانہیں بخوبی اندازہ ہے کہ دور دراز اور پسماندہ علاقوں کے مسائل اور ترجیحات کیا ہوتی ہیں جس کو دیکھتے ہوئے انہوں نے ڈیرہ غازیخان بالخصوص ٹرائیبل ایریا کو خصوصی فوکس کیا . انہوں نے ڈیرہ غازیخان سمیت صوبہ بھر میں کمشنرز اور ڈپٹی کمشنرز کو ہدایات جاری کیں کہ وہ کھلی کچہریوں کا انعقاد کریں اپنے دفاتر میں بلانے کی بجائے افسران کو سا تھ لے کر عوام کی دہلیز تک جایا جائے . فرضی کارروائی کی بجائے کھلی کچہریوں کو عوام کے مسائل کے حل کیلئے ایک کورٹ کا کردارادا کریں .
کمشنر ڈیرہ غازیخان ڈویژن طاہر خورشید اور ڈپٹی کمشنر میاں محمد اقبال مظہر مہار کی سربراہی میں صرف دو ماہ کے دوران ضلع ڈیرہ غازیخان او رٹرائیبل ایریا میں سات سے زائد کھلی کچہریوں کا انعقاد کیا جاچکا ہے اور ہر جمعہ تین بجے سہ پہر کھلی کچہری لگانے کا بھی اعلان کیاگیاہے . کمشنر طاہر خورشید نے بی ایم پی لائن اور سرکٹ ہاوس میں کچہریاں لگا کر قبائلی مقدمین اور عمائدین اور غریب سے غریب فرد کی نہ صرف بات سنی بلکہ ان کے مسائل کے حل کیلئے ڈپٹی کمشنرز کو ذاتی طو رپر پابند کیا کہ وہ ان کی درخواستوں پر کارروائی کرتے ہوئے پانچ روز کے اندر رپورٹ پیش کریں گے . اسی طرح ڈپٹی کمشنر میاں محمد اقبال مظہر مہار نے کچہریوں میں خصوصی طو رپر ٹرائیبل ایریا کو فوکس کیا ہوا ہے وہ تمام انتظامی مشینری کو ساتھ
2
لے کر پہاڑوں کے دامن اور دور دراز و دشوار گزار راستوں سے ہوتے ہوئے قبائلیوں کے گھر تک پہنچتے ہیں ڈی جی سیمنٹ فیکٹری کے بی ایم پی تھانہ ، زین ، بارتھی اور رونگھن میں کھلی کچہریوں کا انعقاد کیا جا چکا ہے جہاں سینکڑوں درخواستوں کو پڑھنے کے ساتھ ان کے حل کیلئے متعلقہ محکموں کو رپورٹ کرنے کیلئے پابند کیاجاتا ہے . ڈپٹی کمشنر نے ہر قبائلی کی شکایت نہ صرف کھلے دل سے سنی بلکہ اسے یہ بھی باور کرایا کہ حکومت پنجاب سردار عثمان خان بزدار کی زیر قیادت اپنی حکومت کے ابتدائی 90دنو ں میں ٹرائیبل ایریا کے مسائل کے حل اور ترقیاتی منصوبوں کیلئے 100سے زائد ڈائریکٹو جاری کیے جن پر تیز رفتاری سے کام جاری ہے اور وہ وقت دور نہیں جب قبائلی علاقہ میں شہر کے مساوی جدید سہولیات فراہم ہوں گی . کھلی کچہریوں میں بتایا جاتا ہے کہ قبائلی علاقہ میں آبادیوں کو بجلی ، پانی ، علاج معالجہ ، مویشیوں کی دیکھ بھال ، تعلیمی اداروں اور مراکز صحت کے قیام کے ساتھ ان کی اپ گریڈیشن کی جا رہی ہے . ٹرائیبل ایریا کے دیہی مراکز صحت بارتھی ، وہوا کو تحصیل صدر ہسپتال کے مساوی سہولیات دینے کی منظوری کے بعد کام شروع کر دیا گیا ہے اسی طرح ٹرائیبل ایریا میں رودکوہیوں کے سیلابی پانی سے بچاؤ کیلئے حفاظتی بندوں کی تعمیر و مرمت کیلئے سرکاری بلڈوزر کام کر رہے ہیں . جیپ ایبل ٹریک کے ساتھ ساتھ پہاڑوں کو کاٹ کر راستے بنائے جا رہے ہیں . ریسکیو1122کے سٹیشنز کے ساتھ پنجاب بنک کی برانچیں بھی کھولی جا رہی ہیں تاکہ قبائلی اپنی ٹرانزیکشن کیلئے شہری علاقوں میں سفری مشکلات سے بچ سکیں . ٹرائیبل ایریا کے بچوں کو دانش سکول میں داخلہ کیلئے دس سیٹیں مختص کرنے کی سفارشات بھجوائی گئی ہیں . قبائلیوں کی شناخت کیلئے ان کی تحصیل کو کوہ سلیمان کا نوٹیفکیشن جاری کردیاگیا ہے . تحصیل کوہ سلیمان میں پہلی مرتبہ رقبہ کی پیمائش ، مالکان کے تعین اور دیگر ریکارڈ کیلئے بندوبست کا آغاز کر دیاگیا. ٹرائیبل ایریا میں امن و امان کی بہتری او رعوام کی جان و مال کے تحفظ کیلئے پانچ تھانوں بارتھی ، فاضلہ کچھ ، ہنگلوں کچھ ، مبارکی اور
3
چتروٹہ میں نئی عمارتوں کی منظوری دے دی گئی ہے اور ہر تھانے کیلئے دو کروڑ رو پے مختص کر دیئے گئے ہیں جلد ہی تھانوں کی اپ گریڈیشن شروع کر دی جائے گی.بلوچ لیوی اور بی ایم پی کی استعداد کار بڑھانے ، میرٹ پر بھرتی ، جدید اسلحہ اورتربیت دینے کے ساتھ پنجاب پولیس کی طرز پر ملازمین کو گریڈ دیئے جائیں گے جس کیلئے منظوری تکمیل کے آخری مراحل میں ہے . کھلی کچہری میں سامنے آنے والی تجاویز او ر مطالبے پر آوارہ مویشیوں کیلئے پھاٹک کا قیام عمل میں لایا جائے گا. ہیلتھ اورویٹرنری کی موبائل وینز قبائلی علاقوں میں باقاعدگی سے بھجوائی جائیں گی جس کا شیڈول پہلے مشتہر کیا جائے گا. ٹرائیبل ایریا میں سرکاری سکولوں کے قیام سے قبل 20سے زائد بچے موجود ہونے پر گھر یا ڈیرہ کے ایک کمرے میں سکول قائم کر کے نزدیکی سکول سے استاد کو بھیجا جائے گا تاکہ وہ اسی سکول میں بچوں کی تعلیم و تربیت کا سلسلہ شروع کر دیں او رمحکمہ تعلیم نے اب تک تحصیل کوہ سلیمان میں 17سکول قائم کر دیئے ہیں جنہیں سیٹلائٹ سکول کا نام دیا جاتاہے .
کھلی کچہریوں سے نہ صرف عوام کے مسائل بروقت حل ہوتے ہیں بلکہ انتظامیہ کی بھی رہنمائی ہوتی ہے کہ کن علاقوں میں عوام کی ترجیحات کیاہیں اور علاقوں کے مسائل کے حل کیلئے متعلقہ محکمے کیا کام کررہے ہیں . وزیر اعلی پنجاب سردارعثمان احمد بزدار نے صوبہ کے اضلاع کے اچانک دوروں کا سلسلہ بھی شروع کردیا ہے جس کو دیکھتے ہوئے انتظامیہ پہلے سے زیادہ متحرک ہو گئی ہے . دعا ہے کہ محروم اور پسماندہ علاقوں کی ترقی کے ساتھ ساتھ عوام کے جان ومال کے تحفظ کے حکومتی اقدامات ثمر بار ہو سکیں.
آمین .
mjunaidinfo@gmail.com