ڈی جی خان ۔ وطن پر جان نچھاور کرنیوالے شہید عبدالرب کی نماز جنازہ ادا کر دی گئی جبکہ شہید خرم علی کی نمازجنازہ بعد میں ادا ہو گی۔
دفاع وطن کیلئے اپنی جان نچھاور کرنیوالے ڈیرہ غازی خان کے دونوں سپوتوں شہید عبدالرب اور شہید خرم علی کے جسد خاکی ان کے آبائی گھروں میں پہنچا دئیے گئے۔ شہید عبدالرب کی نماز جنازہ تونسہ میں ادا کر دی گئی جس میں علاقہ مکینوں کی بڑی تعداد نے شرکت کی۔
شہید خرم علی کی نماز جنازہ کے وقت کا اعلان ابھی نہیں کیا گیا کیونکہ شہید خرم علی کے ایک اور بھائی رمیز علی بھی پاک فوج میں نائیک اور آجکل سیاچن میں تعینات ہیں۔ ان کی آمد کے بعد ہی شہید خرم علی کی نماز جنازہ ادا اور بعد ازاں تدفین کی جائیگی۔
واضح رہے کہ پاک فوج کے دونوں جوانوں نے گزشتہ روز نکیال سیکٹر میں دشمن سے لڑتے ہوئے جام شہادت نوش کیا تھا۔
