ڈیرہ غازی خان ۔ شہدا ئے پو لیس ، ہمارے ہیرو اور انکے لواحقین ہمارے دل کی ٹھنڈک ہیں ۔ ایم پی اے ڈاکٹر شاہینہ کھوسہ

ڈیرہ غازی خان (صبح پا کستان ) پاکستان تحریک انصاف کی ایم پی اے ڈاکٹر شاہینہ کھوسہ نے یوم شہداء پولیس کے حوالے سے اپنے اخباری بیان میں کہا کہ ہمارے شہدا ء ، ہمارے ہیرو اور انکے لواحقین ہمارے دل کی ٹھنڈک ہیں شہیدوں کا خون پکار پکار کر قوم سے کہہ رہا ہے کہ وہ بیرونی اور اندرونی دشمنوں کے خلاف سیسہ پلائی ہوئی دیوار بن جائیں تاکہ دشمن کے جن مزموم عزائم کو خاک میں ملانے کے لیے مقدس اور انمول خون شامل خاک ہوا ان عزائم کو کبھی بھی پورا نہ ہونے دیا جائے سیکیورٹی کے حالات ابھی بھی پوری طرح نارمل نہیں ہوئے عوام آپس میں پیار محبت بھائی چارے اور خیر خواہی کے رشتے میں بند ھ کر حالات پر نظر رکھیں سیکیورٹی اداروں سے تعاون کریں پولیس فورس کی عزت کریں تاکہ مل جل کر نہ صرف دشمن کے ہر وار سے بچا جا سکے بلکہ عوام کے جان و مال عزت و آبرو کی حفاظت بھی کی جا سکے ۔