ڈیرہ غازی خان ۔ سید محمد عابد جواد شاہ اور سیکیورٹی گارڈ محمد اکبر کے ایصال ثواب کے لیے فاتحہ خوانی

ڈیرہ غازی خان (صبح پا کستان) سید محمد عابد جواد شاہ محنتی اور فرض شناس آفیسر تھا انکی وفات سے بورڈ میں جو خلا پیدا ہوا ہے اسے پر نہیں کیا جا سکتا اللہ انہیں اپنے جنت الفردوس میں اعلیٰ مقام اور لواحقین کو صبر جمیل عطا فرمائیں تفصیلات کے مطابق ثانوی و اعلیٰ ثانوی تعلیمی بورڈ میں سینئر سٹاف ایسوسی ایشن اور ایمپلائز ویلفیئر ایسوسی ایشن کے زیر اہتمام مشترکہ تعزیتی اجلاس منعقد ہوا جس میں گذشتہ دنوں لینڈ سلائیڈنگ کے نتیجہ میں فوت ہوجانے پر سید محمد عابد جواد شاہ اور سیکیورٹی گارڈ محمد اکبر کے ایصال ثواب کے لیے فاتحہ خوانی کی گئی اور انکی مغفرت اور لواحقین کے لیے صبر و جمیل کی دعا بھی کرائی گئی اس موقع پر چیئر مین سینئر سٹاف ایسوسی ایشن چوہدری محمد اشرف شاد ، صدر محمد وقار عظیم کھوسہ ، جنرل سیکرٹری محمد نصراللہ سندھو ، محمد اسلام شاکر ، احسان اللہ خان ، چوہدری سعید اقبال ، محمد اکرم ڈھلو ، صفدر علی خان ، ایمپلائز ویلفیئر ایسوسی ایشن کے صدر محمد ظفر اقبال کھوسہ ، جنرل سیکرٹری محمد بلال جوئیہ ، رءوف اقبال قیصرانی ،احمد علی و دیگر موجود تھے ۔