ڈیرہ غازی خان(صبح پا کستان) ورزش انسان کی صحت کیلئے بہت ضروری ہے یہ بات شفیق الرحمن خان ڈسٹرکٹ اینڈ سیشن جج ڈیرہ غازی خان نے جوڈیشل کالونی میں تعمیر ہونے والے جمنیزیم کے افتتاح کے موقع پر کہی۔ افتتاح کے موقع پر صحافیوں سے بات کرتے ہوئے کہا پنجاب بھر کی طرح لاہور ہائی کورٹ کی ہدایت کے مطابق ڈی جی خان کے جوڈیشل افسران کے لئے جمنیزیم کا انتظام کر دیا گیا ہے جہاں جوڈیشل افسران ہر طرح کی ایکسرسائز ورزش کر کے اپنی صحت کو مینٹین رکھ سکتے ہیں۔ اس موقع پر ایڈیشنل ججز محمد شہباز، ماجد کریم فاروق، محمد کاشف ، محمد زبیر غوری سینئر سول جج ایڈمن، منصف علی جوئیہ سینئر سول جج فیملی ڈویژن، محمد جنیداقبال جوئیہ فیملی جج،سول ججز عرفان محمود، غلام اصغر رضوی، سعید احمد ورک، اقبال پلیار، محمد آصف ہنجرا اور محمد طاہر سپرنٹنڈنٹ سیشن کورٹ ، منیر حسین سول ناظر، محمد ضیاء اکاؤنٹنٹ، محمد رمضان اکاؤنٹنٹ سینئر سول جج کے علاوہ عدالتی اہلکاران موجود تھے۔
