ڈیرہ غازیخان ۔ وزیر اعلی کی ہدایت پرکمشنر اسداللہ فیض کا ڈپٹی کمشنر طاہر فاروق کے ہمراہ زیر تعمیر پریس کلب کادورہ

ڈیرہ غازیخان(صبح پا کستان) وزیر اعلی پنجاب سردار عثمان احمد خان بزدار کی ہدایت پرکمشنر ڈیرہ غازیخان ڈویژن اسداللہ فیض نے ڈپٹی کمشنر طاہر فاروق کے ہمراہ زیر تعمیر پریس کلب کادورہ کیا انہوں نے وزیر اعلی کی ہدایت پر پریس کی تعمیر کےلئے ایکسئین بلڈنگز ہمایوں مسرور کو دوروز کے اندر تخمینہ تیار کرنے کی ہدایات جاری کیں ۔ کمشنرنے کہا کہ پریس کلب کی تعمیر کےلئے وزیر اعلی پنجاب سردار عثمان احمد خان بزدار کو خصوصی فنڈ کے اجراء کی سفارش کی جائیگی ۔ انہوں نے کہا کہ پریس کلب کی فوری تعمیر کےلئے ہرممکن کوشش کی جائیگی ۔ صدر پریس کلب سجاد احمد چنوں نے کمشنر اور ڈپٹی کمشنر کو زیر تعمیر پریس کلب کا تفصیلی معائنہ کرایاچیئرمین پریس کلب شمشاد احمد اور دیگر عہدیدار وں کے علاوہ ڈائریکٹر پبلک ریلیشنز ریاض الحق بھٹی اور دیگر افسران ہمراہ تھے