ڈیرہ غازیخان (صبح پا کستان).: ڈپٹی کمشنر ڈیرہ غازی خان میاں محمد اقبال مظہر مہار نے رات گئے ٹیچنگ ہسپتال کا اچانک دورہ کیا انہوں نے ٹراما سنٹر اور ایمرجنسی وارڈ میں داخل مریضوں کی عیادت کی اور انہیں فراہم طبی سہولیات کا جائزہ لیا۔ڈپٹی کمشنر نے مردانہ بیت الخلاء فنکشنل نہ ہونے اور بدبو پر سخت برہمی کا اظہار کرتے ہوئے صورتحال بہتر کرنے کی ہدایات جاری کیں ڈپٹی کمشنر نے فارمیسی اور ٹیچنگ ہسپتال میں قائم پناہ گاہ کابھی دورہ کیا انہوں نے پناہ گاہ میں مقیم افراد سے سہولیات کے بارے میں معلومات حاصل کیں ڈپٹی کمشنر میاں محمد اقبال مظہر مہار نے کہا کہ وزیر اعلی پنجاب سردار عثمان احمد خان بزدار کی ہدایت پر ٹیچنگ ہسپتال میں بہتر طبی سہولیات کی فراہمی یقینی بنائی جائے گی۔اس موقع پر ڈاکٹر گل حسن،ڈاکٹر امجد کھتران اور دیگر موجود تھے .
