چوک اعظم ۔گورنمنٹ بوائز ڈگری میں سالانہ تقریبِ تقسیمِ انعامات ،ایم پی اے قیصر عباس خان مگسی ،ائریکٹرکالجز ڈاکٹر پروفیسر الطاف حسین بھٹی ،ڈپٹی ڈائریکٹر کالجز لیہ ڈاکٹر پروفیسر خادم حسین ملک ،اور پرنسپل پروفیسر شکیل اختر قریشی نے خطاب کیا

چوک اعظم ( صبح پا کستان) تعلیمی میدان میں ترقی میری اولین ترجیح رہی ۔چوک اعظم کالجز کے لیے ہمیشہ نو لمٹ بجٹ رکھا ۔آج خوش ہوں جو حکم ملا اس کی تعمیل کر دی ۔اِن خیالات کا اظہار چیئرمین سٹینڈنگ کمیٹی پنجاب سردار قیصر عباس خان مگسی نے گزشتہ روز گورنمنٹ بوائز ڈگری کالج چوک اعظم میں سالانہ تقریبِ تقسیمِ انعامات سے خصوصی خطاب کرتے ہوئے کیا ۔انہوں نے کہاکہ جب میں منتخب ہوا تو یہی عہد کیا تھا چوک اعظم اور چوبارہ کی عوام کو ترقی کی طرف لے جانے کے لیے تعلیمی میدان میں ہنگامی اور بھر پور کام کرنا ہوگا ۔مقامِ شکر ہے کہ میں نے پنجاب بھر میں سے زیادہ ترتعلیمی میدان میں بجٹ خرچ کیا ۔70سے زائد نئے سکول قائم کروائے ۔درجنوں سکولوں کی اپ گریڈیشن کروائی ،چوک اعظم کالجزمیں نئے بلاکس کی تعمیر ،فرنیچر اور بسوں کی فراہمی ،سٹاف کی کمی کو پورا کرنے کے لیے نئی سیٹوں کا اجراء سمیت چوبارہ میں بوائز اور گرلز کالجز کا قیام ،ان کی نئی عمارتیں ،بسوں کی فراہمی ،کامرس کالج کی نئی عمارت ،جیسے متعدد منصوبے ہمارے سیاسی ویژن کا منہ بولتا ثبوت ہیں ۔
انہوں نے خطاب کرتے ہوئے کہاکہ چوک اعظم کے سرکاری کالجز کے لیے اپنے بجٹ میں ہمیشہ’’ نو لمٹ ‘‘بجٹ رکھا جسب بھی جتنا حکم کیا اس سے زیادہ بجٹ دیا ۔فرنیچر کے لیے مجھے ایک ہزار کرسی کا کہا گیا مگر میں نے 1600کرسی اپنی جیب سے خرید کر دی ۔لیبارٹریز کے لیے ،ہاسٹل کے لیے ،ڈگری بلاک کے قیام کے لیے فنڈز فراہم کیے ۔انہوں نے کہاکہ تعلیمی اداروں پر خرچ کرنا اپنی نئی نسل اور ملک کے مستقبل کو محفوظ بنانے کے مترادف ہے ۔انہوں نے کہاکہ کالج کے طلباو طالبات میری اولاد کی طرح ہیں ان کا بھی مجھ پر اتنا حق ہے جتنا میر ی سگی اولاد کا ہے ۔انہوں نے کہاکہ آئندہ الیکشن میں مجھے عوام نے منتخب کیا تو انشاء للہ تعلیمی ویژن کو مزید بڑھائیں گے ۔
تقریب سے ڈائریکٹرکالجز ڈاکٹر پروفیسر الطاف حسین بھٹی ،ڈپٹی ڈائریکٹر کالجز لیہ ڈاکٹر پروفیسر خادم حسین ملک ،اور پرنسپل پروفیسر شکیل اختر قریشی نے بھی خطاب کیا ۔نظامت کے فرائض پروفیسر مشتاق زاہد اورپروفیسر قیصر وسیم گرواں نے ادا کیے ۔جبکہ ڈپٹی ڈائریکٹر کالجز مظفر گڑھ پروفیسر چوہدری بشیر احمد ،پرنسپل گورنمنٹ کالج لیہ پروفیسر اختر وہاب ،پروفیسر لالہ احمد گجر ،بانی پرنسپل چوک اعظم کالج پروفیسر خورشید احمد درانی ،سابق چیئرمین بلدیہ چوک اعظم چوہدری منیر احمد وڑائچ ،سابق امیدوار صوبائی اسمبلی چوہدری اعجاز احمد گل،اسسٹنٹ ڈپٹی ڈائریکٹر کالجز لیہ پروفیسر ساجد حسین رونگھا ،سردار بابر خان مگسی ،جنرل کونسلر چوہدری خلیل احمد ،مہمانان خصوصی و اعزاز تھے ۔
تقریب میں سپورٹس فیسٹیول گالا اور سالانہ امتحانات میں نمایاں پوزیشنز لینے والے طلباء میں مہمانان نے انعامات تقسیم کیے ،تقریب کے دوران کالج کے طلباء عبدالحفیظ ،محمد وقار ،محمد عامر ،خالد محمود اور محمد جنید نے اردو ،سرائیکی اور پنجابی گیت پیش کیے ۔جبکہ محمد علی او ر محمد ابرارنے خاکہ پیش کیا جنہیں بے حد پسند کیا گیا ۔محمد اویس نے تلاوتِ کلام کی سعادت حاصل کی جبکہ غلام مصطفےٰ نے سرورِ کائینات کے حضور ہدیہ ءِ نعت پیش کیا ۔