لاہور ۔ پنجاب میں کورونا وائرس کے تصدیق شدہ مریضوں کی تعداد 96 ہوگئی، وزیر اعلیٰ پنجاب عثمان بزدار نے ٹویٹ میں بھی تصدیق کردی۔
سماجی رابطے کی ویب سائٹ ٹویٹر پر پیغام دیتے ہوئے عثمان بزدار کا کہنا تھا کہ پنجاب میں کورونا وائرس کے مریضوں کی تعداد 96 ہو چکی ہے۔ تفصیلات کے مطابق ان مریضوں میں 71 زائرین ہیں، 15 کا تعلق لاہور، 2 ملتان، جبکہ 3 مظفر گڑھ، 3 گجرات، 1 راولپنڈی اور 1 جہلم میں موجود ہیں۔
وزیر اعلیٰ عثمان بزدار نے عوام سے اپیل کرتے ہوئے کہا کہ سماجی روابط اور میل جول سے اجتناب کریں اور اس عالمی ہیلتھ ایمرجنسی کے دوران اپنی حفاظت کو یقینی بنائیں۔
Source:
لا ہور نیوز
