لاہور ۔ پاکستان ڈیمو کریٹک موومنٹ (پی ڈی ایم) جمعہ والے دن ملک بھر میں مہنگائی کے خلاف احتجاجی مظاہرے کرے گی۔
تفصیلات کے مطابق ملک بھر میں پاکستان ڈیمو کریٹک موومنٹ (پی ڈی ایم) کی طرف سے مہنگائی کے خلاف احتجاجی مظاہرے اور ریلیاں کا آغاز کیا گیا ہے، 20 اکتوبر کو بھی مسلم لیگ ن نے راولپنڈی میں اپنا پہلا پاور شو کیا۔
اسی تسلسل کو برقرار رکھتے ہوئے پاکستان ڈیمو کریٹک جمعہ والے دن ملک بھر میں مہنگائی کے خلاف احتجاجی مظاہرے کرے گی۔ لاہور، پشاور، سرگودھا، خوشاب، میانوالی، بھکر، جھنگ، جوہر آباد سمیت پنجاب کے مختلف شہروں میں شیڈول جاری کر دیا
مسلم لیگ ن کی مرکزی ترجمان مریم اورنگزیب کے مطابق لاہور میں جین مندر چوک سے نماز جمعہ کے بعد احتجاجی جلوس کا آغاز ہو گا۔ کراچی میں ایمپریس مارکیٹ سے 3 بجے احتجاجی مظاہرہ کیا جائے گا، میانوالی، بھکر میں 24 اکتوبر کو احتجاجی ریلی نکالی جائے گی۔
