ملتان(مانیٹرنگ ڈیسک )ملتان کی تحصیل شجاع آباد میں موٹر وے کے تعمیراتی کام کے دوران ڈمپر کی ٹکر سے 5 مزدور جاں بحق اور 2 زخمی ہوگئے۔
واضح رہے کہ وزیراعظم شاہد خاقان عباسی آج موٹروے پر بستی داد انٹر چینج کا افتتاح کریں گے۔
پولیس کے مطابق انٹر چینج پر تعمیراتی کام آخری مراحل میں تھاکہ ایک ڈمپر کی ٹکر سے 3 مزدور جاں بحق اور 4 شدید زخمی ہوگئے۔ زخمی مزدوروں کو تشویشناک حالت میں نشترہسپتال منتقل کیا گیا، جہاں دوران علاج مزید 2 زخمی چل بسے۔
دوسری جانب پولیس نے ڈمپر ڈرائیور کو گرفتار کرکے تفتیش کا آغاز کردیا۔
