ملتان(مانیٹرنگ ڈیسک )ملتان کے علاقے نواب پور میں کاؤنٹر ٹرارزم ڈیپارٹمنٹ نے کارروائی کرتے ہوئے کا لعدم تحریک طالبان پاکستان کے 3 مبینہ دہشتگردگرفتار کر لئے جن کے قبضے سے دستی بم،بارودی مواداوراسلحہ بھی برآمد کر لیا گیا۔
تفصیلات کے مطابق سی ٹی ڈی نے خفیہ اطلاعا ت ملنے پرملتان کے علاقے نواب پور میںکارروائی کی جس میں 3مبینہ دہشتگردمزمل،اکرم اورعبدالماجد کوگرفتارکر لیا۔سی ٹی ڈی حکام کا کہنا تھا کہ گرفتاردہشتگردوں کا تعلق کالعدم تحریک طالبان پاکستان سے ہے جبکہ ان کے قبضے سے دستی بم،بارودی مواداوراسلحہ بھی برآمدکیا گیا ہے۔سی ٹی ڈی کا مزید کہنا تھا کہ دہشتگردحساس تنصیبات اوراہم شخصیات کونشانہ بناناچاہتے تھے۔
