لیہ ۔ گنا ٹرالیاں عوام کے وبال جان ، جگہ جگہ ٹریفک بلاک ، ڈی سی عوامی مشکلات کا نوٹس لیں

لیہ(صبح پا کستان )گنا ٹرالیاں عوام کے لئے وبال جان ،انتظامی ناکامی، گنے کی ٹرالیوں کو کنٹرول کرنے میں ناکام ، بائی پاس لیہ سے عزیز فارم تک گھنٹوں روڈ بلاک رہنے لگی ، حادثات میں اضافہ، شہریوں کی مشکلات میں اضافہ ہو گیا۔سڑک پرگنے کی ٹرالیوں کے بے ہنگم کھڑے ہونے اور ٹریفک پولیس کے اہلکار نہ ہونے کے باعث روڈ کے دونوں اطراف ٹرالے گزرنے کی کوشش میں سڑک بلاک ہو جاتی ہے جس سے ہیوی ٹریفک سمیت گاڑیوں کے گزرنے کی وجہ سے گھنٹوں ٹریفک بلاک ہو جاتی ہے جس سے ایمبولینسز سمیت ریسکیو گاڑیاں بھی پھنس جاتی ہیں ۔ شہریوں ساجد پرویز،جودت کامران، احسان اللہ، رہنما واجد علی گیلانی ، مہر زاہد ، فخراحسان و دیگر نے ڈپٹی کمشنرواجدعلی شاہ سے مطالبہ کیا ہے کہ سڑک بلاک رہنے کا نوٹس لیتے ہوئے گنے کی ٹرالیوں کے کھڑے رہنے کی کوئی جگہ مختص کرکے ٹریفک پولیس اہلکار تعینات کئے جائیں۔