لیہ( صبح پا کستان )گرین پاکستان مہم کے سلسلہ میں جوڈیشنل کالونی کے سبزہ زار میں شجرکاری کی تقریب منعقدہوئی جس میں محکمہ جنگلات کے تعاون سے ڈسٹرکٹ اینڈ سیشن جج اعجا ز حسن اعوان اور جوڈیشری کے ایڈیشنل ڈسٹرکٹ اینڈسیشن ججز،سول ججزنے مختلف اقسام کے پودے لگائے ۔ اس موقع پر سینئرسول جج ملک نعیم حسن نے بریفنگ کے دوران بتایا کہ جوڈیشل کمپلیکس اور کالونی میں شجرکاری مہم کے تحت مرحلہ وارپودئے لگائے جارہے ہیں اور لان کی درستی،مناسب دیکھ بھال اور پودوں کو سرسبز وشاداب رکھنے کے لیے خصوصی عملہ تعینات کیا گیا ہے ۔ ڈسٹرکٹ اینڈ سیشن جج نے ان کاوشوں کو سراہا اور پودوں کی دیکھ بھال کے لیے مانیٹرنگ کرنے کی ضرورت پر زوردیا ۔
