لیہ ۔ ڈی پی او، ڈپٹی کمشنر اور آرمی افسران کا کروڑ میں محرم الحرام میں سکیورٹی انتظامات کا جائزہ

لیہ {صبح پا کستان} ڈی پی او، ڈپٹی کمشنر اور آرمی افسران کا کروڑ میں 07 محرم الحرام کے جلوس کے سکیورٹی انتظامات کا جائزہ ۔ڈی پی او لیہ محمد حسن اقبال نے ڈیوٹی پر مامور پولیس افسران وملازمین کی حوصلہ افزائی کی۔اور ڈیوٹی پر تعینات پولیس افسران اورجوانوں کو مزید الرٹ ہوکر ڈیوٹیاں سرانجام دینے کی ہدایت۔اس موقع پر ڈی پی او لیہ اور ڈپٹی کمشنر کی جلوس انتظامیہ سے بھی ملاقات کی ۔ ممبران امن کمیٹی اور جلوس انتظامیہ نے پولیس سیکورٹی انتظامات پر اطمینان کا اظہار کیا

اس موقع پر گفتگو کرتے ہو ءے ڈی پی او نے کہا کہ محرم الحرام میں عزادوں کیلئے فول پروف سکیورٹی کا انتظام کیا گیا ہے۔ پولیس کسی بھی چیلنج سے نمٹنے کے لیے ہمہ وقت چوکس اورتیار ہے ، پولیس، ضلعی انتظامیہ اور پاک فوج کے باہمی تعاون سے امن وامان کی فضاء قائم رکھی جائیگی ۔ انہوں نے مزید کہا کہ سکیورٹی کے سخت انتظامات کا مقصد لوگوں کے قیمتی جان ومال کے تحفظ اور امن و امان کی صورتحال کو یقینی بنانا ہے۔