لیہ( صبح پا کستان ) ماہ رمضان میں امن و امان کو قائم رکھنے کےلئے فتح پور میں لیہ پولیس کا سرچ اینڈ کومبنگ آپریشن،ڈی پی او لیہ رانا طاہر رحمن خان نے خود نگرانی کی ،ڈی پی او نے کہا کہ مطلوبہ نتاءج حاصل کرنے کےلئے موءثر حکمت عملی اپنائی جائے گی
تفصیلات کے مطابق ماہ رمضان میں امن و امان کو برقرار رکھنے کےلئے لیہ پولیس کی طرف سے فتح پورشہر میں سر چ اینڈ کومبنگ آپریشن کیا گیا جس کی نگرانی ڈسٹرکٹ پولیس آفیسر لیہ رانا طاہر رحمن خان نے خود کی ،سر چ آپریشن میں ڈی ایس پی کروڑ عظمت اللہ ،سی ٹی ڈی اور سپیشل برانچ کے افسران ،ضلعی سکیورٹی انچارج مزمل حسین ،ایلیٹ فورس اور ضلعی پولیس کے جوانوں نے حصہ لیا ، سر چ آپریشن کے آغاز سے قبل رانا طاہر رحمن خا ن نے فورس کو تفصیلی ہدایات دیں انہوں نے کہا کہ دوران سر چ آپریشن احتیاطی تدابیر اختیار کریں اور اپنی حفاظت کو یقینی بنائیں ،شہریوں کی بائیو میٹرک تصدیق کے دوران ان کے ساتھ خوش اخلاق رویہ اپنائیں ،مشکوک افراد کی صورت میں فوری قانونی کاروائی عمل میں لائیں ،اس دورا ن مکمل طور پر الرٹ رہیں اور اپنے اطراف میں نظر رکھیں ،کہیں کوئی جرائم پیشہ شخص آپ پر حملہ نہ کر دے ،بھر پور نتاءج حاصل کرنے کےلئے منظم ہو کر سر چ آپریشن کریں ۔
