لیہ ( صبح پا کستان ) ضلعی پولیس کی طرف سے بھرپور سیکورٹی انتظامات ،محرم الحرام کا پُرامن انعقاد،حساس ایام میں پولیس اہلکاران نے جذبہ سے سرشارہوکر فراءض سرانجام دیئے،بہترین سیکورٹی انتظامات پر سوّل سوساءٹی کی طرف سے خراج تحسین،ڈی پی او کی اپنی پوری ٹیم کوشاباش اورپُرامن انعقادپر مبارکباد ،معاملات کی پاسداری ،اتحاد بین المسلمین کے فروغ ،امن وامان کا قیام اور انتظامیہ سے بھرپور تعاون پر ممبران امن کمیٹی ،تمام مکاتب فکر کے اراکین اور منتظمین مجالس وجلوس کو بھی خراج تحسین
تفصیلات کے مطابق ملک بھر کی طرح ضلع لیہ میں بھی یوم عاشورپر منعقدہ عزاداری کے 101جلوس اور 199مجالس پر بھرپور سیکورٹی انتظامات کئے گئے ،ڈی پی اولیہ ،ڈی سی لیہ اور معاون خصوصی پیر رفاقت علی گیلانی دن بھر مختلف شہروں میں جاری عزداری پروگرام پر سیکورٹی انتظامات کا جائزہ لیتے رہے رات 8بجے تک ضلع بھر میں جاری پروگرام بخیروعافیت اختتام پذیرہوئے محرم الحرام کے پُرامن انعقادکیلئے ضلعی پولیس کی طرف سے بھرپور سیکورٹی انتظامات کئے گئے تمام جلوس ومجالس پر کثیرتعداد میں اہلکاران تعینات کئے گئے جبکہ ،مجالس میں داخل ہونے والے مشکوک اشخاص کی بائیومیٹرک کے ذریعے تصدیق جبکہ جلوسوں کی مانیٹرنگ کیلئے جدید آلات سے لیس کمانڈ&کنٹرول وین کابھرپور استعمال کیاگیا دوران ڈیوٹی پولیس اہلکاران بھی جذبہ سے سرشارہوکر ڈیوٹی سرانجام دیتے رہے اورتمام پوائنٹس پر تعینات اہلکاران انتہائی ہشاش بشاش اور چاق وچوبندہوکر ڈیوٹی کرتے رہے بہترین سیکورٹی انتظامات اورمحرم الحرام کے پُرامن انعقادپر سوّل سوساءٹی ،میڈیاکی طرف سے پولیس کو بھرپور خراج تحسین پیش کیاگیا ڈی پی او نے بھی بہترین ڈیوٹی سرانجام دینے پر تمام افسران واہلکاران کو شاباش اورمحرم الحرام کے پُرامن انعقادپر مبارکباد دی اوراسی جذبہ سے فراءض سرانجام دینے کی ضرورت پر زوردیا ڈی پی او لیہ نے گفتگوکرتے ہوئے کہا کہ معاملات کی پاسداری اتحاد بین المسلمین کے فروغ ،امن وامان کا قیام اور انتظامیہ سے بھرپور تعاون پر ممبران امن کمیٹی ،تمام مکاتب فکر کے اراکین اور منتظمین مجالس وجلوس کوخراج تحسین پیش کرتاہوں ،انھوں نے کہاکہ پولیس کے تمام شعبوں کی ان تھک محنت کے سبب ہی پُرامن انعقادممکن ہوا پولیس کے علاوہ دیگر محکمہ جات جن میں ریسکیو1122، سوّل ڈیفنس ،محکمہ صحت نے بھی احسن طریقے سے اپنی ذمہ داریاں نبھائیں ۔
