لیہ ۔ قرنطینہ تبلیغی مرکزمیں داخل صوابی کے شہری کا ایس ایچ او تھا نہ سٹی پر چھری سے حملہ ، ایس ایچ او زخمی

لیہ {صبح پا کستان} ا یس ایچ او تھانہ سٹی لیہ انسپکٹر ملک اشرف ماکلی پر تبلیغی جماعت کے رکن کا چھری سے حملہ ۔۔
تفصیلات کے مطابق قرنطینہ تبلیغی مرکز لیہ میں کرونا وائرس کے خطرے کے پیش نظر احتیاطی تدابیر پر عمل کرتے ہوئے 200 تبلیغی جماعت کے ارکان کو رکھا گیا۔

ا یس ایچ او تھانہ سٹی لیہ انسپکٹر ملک اشرف ماکلی

مسمی عبدالرحمان سکنہ صوابی وہاں سے بھاگنے کی کوشش کر رہا تھا ۔ ایس ایچ او سٹی کے روکنے پر عبدالرحمان نے چھری سے وار کرکے انسپکٹر ملک اشرف کو زخمی کردیا، جنیہں فوری طور طبی امداد کے لءے ڈی ایچ کیو ہسپتال منتقل کر دیا گیا جہاں مضروب ایس ایچ او کو طبی امداد دی جارہی ہے اور ان کی حالت خطرے سے باہر بتا ئی جا رہی ہے ۔۔ ڈی پی او لیہ نے مضروب ایس ایچ او ملک اشرف ماکلی ہسپتا ل میں عیادت کی ۔

عوامی سیاسی اور سماجی حلقوں نے ایس ایچ او تھا نہ سٹی ملک اشرف مالکی پر قاتلانہ حملہ کی شدید مذ مت کرتے ہو ءے ملزم کو قانون کے تحت عبرتناک سزا دینے کا مطا لبہ کیا ہے .

تاہم انسپکٹر اشرف نے عوام الناس کے نام پیغام میں کہا ہے کہ مہلک وبا کے باعث پوری قوم اس وقت مشکل میں ہے لیکن ہم نے حوصلہ رکھنا ہے اور صبر کا دامن ہاتھ سے نہیں چھوڑنا اسی میں ہم سب کی خیر و بھلائی ہے۔