لیہ ۔ عوام کا تحفظ پولیس کی اولین ذمہ داری ،الیکشن کے دوران امن و امان کے قیام کو ہر صور ت ممکن بنایا جائے ۔ ڈی پی او زاہد نواز مروت

لیہ( صبح پا کستان )عوام کا تحفظ پولیس کی اولین ذمہ داری ،عوام کے جان ومال کے تحفظ کیلئے پیشہ ورانہ ذمہ داریاں خوش اسلوبی سے سر انجام دیں ،الیکشن کے دوران امن و امان کے قیام کو ہر صور ت ممکن بنایا جائے ، مقدمات کی تفتیش میرٹ پر کی جائے ،دفتری عملہ فورس کے مورال کو بلند کرنے میں کردار ادا کرے ڈی پی او کی پولیس افسران کو ہدایات،نئے تعینات ہونے والے ڈی پی او نے عہدہ کا چارج سنبھال لیا، دفتر آمد پر پولیس کے دستہ کی سلامی۔
تفصیلات کے مطابق لیہ میں تعینات ہونے والے ڈی پی او زاہد نواز مروت نے اپنے عہدہ کا چارج سنبھال لیا دفتر پولیس آمد پر پولیس کے چاق و چوبند دستہ نے ڈی پی او کو سلامی پیش کی، اپنے دفتر میں پولیس افسران کے ساتھ میٹنگ ،ڈی پی او نے پولیس افسران کو دوران میٹنگ ہدایات کرتے ہوئے کہا کہ بہتر رویے ،میرٹ کی بالا دستی، کسی دباؤ سے مبرا ہو کر اپنی خدمات، تھانہ پر آنے والے سائلین کی حق رسی کی طرف مبذول رکھیں انہوں نے کہا کہ عوام کا تحفظ پولیس کی اولین ذمہ داری ہے شہریوں کے جان ومال کے تحفظ کیلئے تمام تر توانائیاں صرف کی جائیں،الیکشن کے دوران امن و امان کے قیام کو ہر صورت یقینی بنایا جائے ،صاف اور شفاف الیکشن کے انعقاد میں پولیس افسران اپنا کردار ادا کریں اور اپنی پیشہ ورانہ ذمہ داریاں خوش اسلوبی سے سر انجام دیں انہوں نے کہا کہ ہرکاروائی میں میرٹ اور انصاف کو ملحوظ خاطر رکھا جائے کسی مظلوم کے ساتھ ناانصافی کرنے والے افسر سے کوئی رعایت نہیں برتی جائے گی ڈی پی اونے کہا کہ لیہ پولیس کو حاصل کامیابیوں کے تسلسل کو برقرار رکھنے کیلئے جذبہ سے سر شار ہو کر محنت اور دلجعی سے فرائض سر انجام دیں ڈی پی او نے دفتری عملہ سے منعقدہ میٹنگ میں ہدایت کرتے ہوئے کہا کہ فورس کے مورال کو بلند کرنے میں کردار ادا کریں اور دفتر میں آنے والے ہر شہری سے خوش اخلاقی سے پیش آیا جائے ۔