لیہ ۔ زندگی بہت قیمتی ہے اسے حادثات کی نظر مت کیجئے ۔ ڈی ایس پی ٹریفک شاہد ہ نسرین

لیہ ( صبح پا کستان ) زندگی بہت قیمتی ہے اسے حادثات کی نظر مت کیجئے ،ٹریفک قوانین کی خلاف ورزی حادثات کا سبب بنتی ہے،ڈی ایس پی ٹریفک شاہد ہ نسرین کا ڈرائیونگ کورس مکمل ہونے پر اختتا می تقریب کے دوران شرکاء سے خطاب ۔ 

تفصیلات کے مطابق پولیس ڈرائیونگ سکول لیہ میں شہریوں کو ڈرائیونگ کی تربیت کےلئے کورسز کے انعقاد کا سلسلہ جاری ہے اب تک کمرشل و نان کمرشل لائسنس کورس کے 34کورس کامیابی کے ساتھ ہمکنار ہو چکے ہیں جن میں سینکڑوں مردو خواتین شہری مستفید ہو چکے ہیں ،ڈی ایس پی ٹریفک شاہد ہ نسرین نے34ویں ڈرائیونگ کورس کی اختتامی تقریب کے دوران شرکاء سے خطاب کرتے ہوئے کہا کہ زندگی بہت قیمتی ہے اسے حادثات کی نظر مت کیجئے ،ٹریفک قوانین کی خلاف ورزی حادثات کی سبب بنتی ہے اس لئے ڈرائیونگ ہمیشہ محتاط انداز میں کیجئے،تقریب کے اختتام پر ڈی ایس پی شاہد ہ نسرین اور انچارج سکول زنیرہ کنول نے کامیاب ہونے والے شرکاء میں سر ٹیفکیٹ تقسیم کیے ۔