لیہ (صبح پا کستان )راجن پور انٹر ڈسٹرکٹ چمپئن بن گیا۔لیہ رنر اپ رہا۔سپورٹس ڈیپارٹمنٹ کے زیر اہتمام انٹرڈسٹرکٹ چمپئن شپ کا انعقاد کالج گراونڈ میں ہواجس کے فائنل میں ڈسٹرکٹ لیہ اور راجن پور کے مابین میچ کھیلاگیا۔راجن پور نے مقررہ بیس اوور میں 135سکور کیے۔جس کے جواب میں لیہ نے بھی 135رنز بنائے۔فائنل میچ کا فیصلہ سپر اوور کے ذریعے ہوا۔ڈسٹرکٹ راجن پور نے لیہ کی طرف سے سپر اوور میں دیاگیا 3رنز کا ٹارگٹ پہلی ہی گیند میں حاصل کرکے ڈسٹرکٹ چمپئن کا ٹائٹل اپنے نام کرلیا۔میچ کے مہمان خصوصی ڈی او سپورٹس خواجہ سیف الرحمان ،ایس ڈی او واپڈا خالد محمود تھے۔بعدازاں ٹیم کے کپتانوں اور نمایاں کارکردگی کے حامل کھلاڑیوں میں ٹرافیاں تقسیم کی گئیں۔
