لیہ ۔ دہشت گردی کیخلاف پولیس فرنٹ لائن پر برسرپیکار ہے، حوصلے پست نہیں ہونگے۔ڈی پی او لیہ ناصر مختار راجپوت

لیہ ( صبح پا کستان )پنجاب پولیس لیہ کے زیر اہتمام پولیس لائن لیہ میں یوم پاکستان کے موقع پر یوم شہدا پولیس پورے وقار کے ساتھ منایا گیا جس کی صدارت ڈسٹرکٹ پولیس آفیسر لیہ ناصر مختار راجپوت نے کی، تقریب کے باقاعدہ آغاز میں ڈی پی او لیہ کو پولیس کے چاک و چوبند دستے نے سلامی پیش کی، سلامی کے بعد ڈی پی او نے یادگار شہدا پولیس لیہ پر حاضری دی، پھول چڑھائے، شہدا کے درجات کی بلندی کیلئے دعا کی، یوم پاکستان کے اس موقع پر ڈی پی او لیہ نے پولیس لائن لیہ میں یادگاری پودا بھی لگایا۔ ڈی پی او نے اپنے خطاب میں اس عزم کا عہد کیا کہ قیام پاکستان سے لیکر آج تک ہم نے کسی قربانی سے دریغ نہیں کیا آئندہ بھی ملک پاکستان کی بقا کی خاطر ہر قسم کی قربانی کے لئے تیار ہیں، ڈی پی او کی ہدایت پر پولیس افسران نے پولیس کے شہدا کے گھر گھر جا کر گفٹس،مٹھائی اور پھول پیش کئے، تقریب میں ڈی ایس پیز، ایس ایچ اوز، ایلیٹ پولیس کے افسران، ٹریفک پولیس اور ضلع پولیس کے افسران و ملازمان نے شرکت کی۔