لیہ ۔ خزاں سپورٹس گالا کا مقصد طالبات کو کھیلوں کے مواقع فراہم کرنا ہے ۔اسسٹنٹ کمشنر نیاز احمد مغل

لیہ( صبح پا کستان ) سات روزہ موسم خزاںسپورٹس گالا ایونٹ منانے کا مقصد طالبات کو کھیلوں کے مواقع فراہم کرتے ہوئے ان کی ذہنی و جسمانی نشوونما میں بہتر ی لانا مقصود ہے

۔یہ بات اسسٹنٹ کمشنر لیہ نیاز احمد مغل نے سپورٹس کمپلیکس میں مقابلوں میں پوزیشن ہولڈرز کو انعامات دینے کے موقع پر کہی۔اس موقع پر رسہ کشی میں گورنمنٹ گرلز ہائی سکول 156ٹی ڈی اے نے پہلی ،ایم سی ہائی سکول جناح پارک نے دوسری پوزیشن ،بیڈمنٹن میں گورنمنٹ گرلز ہائی سکول چوک اعظم نے پہلی ،گرلز ہائی سکول شوگرملز نے دوسری،اسی طرح ٹیبل ٹینس میں گرلز ہائی سکول شوگرملز نے پہلی ،ایم سی ہائی سکول نے دوسری،والی بال میں گرلز ہائی سکول چوک اعظم نے پہلی ،گرلز ہائی سکول 156نے دوسری پوزیشن حاصل کی۔اس موقع پر ڈی ایس او امتیاز احمدبھٹی،ٹی ایس او مرینہ خان،سینئرہیڈمسٹریس غزالہ ممتاز ،عابدہ سارا،کلثوم کوثر اور شازیہ اسلم اور طالبات کی کثیرتعداد موجود تھی۔بعدازاں اے سی نیاز احمدمغل و ڈی ایس او نے ونر اور رنر اپ ٹیموں میں انعاما ت تقسیم کیے۔