لیہ(صبح پا کستان )حکمران مدینہ کی ریاست کا وعدہ پورا کریں،ڈاکٹر عافیہ صدیقی کی رہائی کے لئے کوششیں مزید تیز کی جائیں یہ بات ایم پی اے و رہنما پاکستان راہ حق پارٹی مولانا معاویہ اعظم طارق نے بستی سامٹیہ 90موڑ میں منعقدہ جلسہ سے خطاب کرتے ہوئے کیا۔ انہوں نے کہا کہ اب وقت آگیا کہ مسلمان اتحاد و یگانگت کامظاہرہ کرتے ہوئے غیر اسلامی طاقتوں کے عزائم کو ناکام بنا دیں ، ممبر صوبائی اسمبلی معاویہ اعظم کا کہنا تھا کہ انڈیا سمیت کوئی بھی ملک پاکستان کے خلاف جارحیت کر ے گا تو اس کو ہمیشہ کی طرح منہ توڑ جواب دیا جائے، انہوں کہاکہ نیوزی لینڈ میں ہونے والی دہشت گردی کے خلاف اسلامی دنیا نے بھر پور جواب دیا اور یہ بات ثابت ہے کہ دہشت گردی کا تعلق کسی مذہب سے نہیں ہے، انہوں نے پاک فوج کی قربانیوں کو سلام پیش کرتے ہوئے کہاکہ ملک میں امن کی کوششوں میں ہم پاک فوج کے ساتھ ہیں اور ملک کے خلاف میلی آنکھ سے دیکھنے والوں سے بھر پور ٹکرائیں گے، جلسہ میں علما کرام و نعت خوان حضرات نے اپنا کلام پیش کیا، جلسہ میں لوگوں کی کثیر تعداد نے شرکت کی۔
