لیہ( صبح پا کستان ) ڈپٹی کمشنر/ ڈسٹرکٹ ریٹرننگ آفیسر خالد پرویز کی زیر صدارت کمیٹی روم میں حلقہ 187 ضمنی انتخابات کے انتظامات کا جائزہ اجلاس منعقدہوا۔
اجلاس میں ریٹرننگ آفیسر احمد حفیظ سبحانی ، ڈسٹرکٹ الیکشن کمشنر فصیح الدین،ایڈیشنل ڈپٹی کمشنرز قدسیہ ناز ، ملک محمد سمیع،سی ای او تعلیم توکل حسین ، ڈی ڈی کالجز ذوالفقار علی حیدری موجود تھے۔اجلاس سے خطاب کرتے ہوئے ڈپٹی کمشنر خالد پرویز حلقہ این اے 187 میں پولنگ 19 مارچ کو ہوگی ۔انہوں نے کہاکہ تمام متعلقہ محکمے تفویض شدہ فرائض مستعدی سے انجام دیں۔ ڈپٹی کمشنر/ ڈسٹرکٹ ریٹرننگ آفیسر خالد پرویزنے مزید کہاکہ تمام پولنگ سٹیشنز پر پانی، بجلی اور دیگر انتظامات کو حتمی شکل دی جائے۔ ڈپٹی کمشنر نے ہدایت کرتے ہوئے ہوئے کہاکہ پولنگ کے لئے سیکورٹی ، ٹرانسپورٹ کا جامع پلان مرتب کیا جائے۔اس موقع پرحلقہ این اے 187 میں پولنگ بارے بریفنگ دی گئی ۔
