لیہ( صبح پا کستان ) تھانہ پیر جگی پولیس کی منشیات فروشوں ،مجرمان اشتہاری اور ٹمبر مافیا کے خلاف کاروائی ،110گرام چرس اور مال مسروقہ برآمد ،اشتہاری ملزم اعجاز احمد اور منشیات فروش محمد ادریس گرفتار ،جرائم پر قابو پا عوام کو احساس تحفظ دینا میر ا مشن ہے ۔ ان خیالات کا اظہات ایس ایچ او پیر جگی نے میڈیا سے گفتگو کرتے ہو ئے کیا
تفصیلات کے مطابق تھانہ پیر جگی پولیس نے ایس ایچ او رانا حامد نعیم کے سر براہی میں منشیات فروشوں ،مجرمان اشتہاری اور ٹمبر مافیا کے خلاف کاروائی تیز کر دی ہے ،محمد صادق اے ایس آئی نے منشیات فروشوں کے خلاف کاروائی کے دوران ملزم محمد ادریس کے قبضہ سے 110گرام چرس برآمد کر لی ملزم کے خلاف امتناع منشیات ایکٹ کے تحت مقدمہ درج کرکے بند حوالات کیا جبکہ اے ایس آئی طاہر حسین نے مجرم اشتہاری کر گرفتار کر لیا جو ٹمبر مافیا گینگ کے رکن ہے اور سرکاری جنگلات سے لکڑی چوری کی متعدد وارداتوں میں ملوث رہا ہے جس کے خلاف تھانہ پیر جگی میں مقدمہ درج ہے ،رانا حامد نعیم کا کہنا ہے کہ جرائم پر قابو اور کریمینل عناصر کو کیفر کردار تک پہنچا کر شریف شہریوں کو احساس تحفظ فراہم کرنا میرا مشن ہے ،مشن کو پورا کرنے کےلئے تمام صلاحیتیں بروئے کار لاءوں گا ۔
