لیہ(صبح پا کستان)پیپلز پارٹی کی ممبر سازی مہم جاری، عہدیداران کا جنوبی پنجاب میں سب سے زیادہ ممبر بنانے کا دعوی، 31مارچ تک مہم جاری رہی گی۔ پاکستان بھر کی طرح لیہ میں بھی پیپلز پارٹی کی ممبر سازی مہم جاری ہے، گزشتہ روز لیہ میں ڈسٹرکٹ پریس کلب کے باہر پی پی پی عہدیداران نے ممبر سازی کیمپ لگایا۔ کیمپ میں شہری جن میں مرد و خواتین، نوجوان بزرگ رکنیت حاصل کر تے رہے۔ کیمپ میں ضلعی صدر پاکستان پیپلز پارٹی ملک رمضان جٹ بھلر، جنرل سیکرٹری ڈاکٹر جاوید اقبال کنجال، ضلعی انفارمیشن سیکرٹری قاضی احسان اللہ، سٹی صدر شیخ خرم طارق ممبر سازی فارم کرتے رہے۔ میڈیا سے گفتگو کرتے ہوئے امیدوار ایم این اے ملک رمضان جٹ بھلر نے کہا کہ پیپلز پارٹی چاروں صوبوں کی جماعت ہے، انہوں نے کہا کہ ملک کے لئے قائد عوام ذوالفقار علی بھٹو، بے نظیر بھٹو شہید کی قربانیاں آج بھی شہریوں کو یاد ہیں اور آصف علی زرداری کی جمہوری روایات اور چیئر مین پی پی پی بلاول بھٹو زرداری کی نوجوان کی قیادت میں پاکستان عوام متحد ہو کر ملک کی تعمیر و ترقی کے لئے کردار ادا کر ے گی۔ انہوں نے کہا کہ جنوبی پنجاب میں پیپلز پارٹی کی ممبر سازی مہم میں ضلع لیہ ٹاپ پوزیشن پر موجود ہے ، ملک رمضان نے کہا کہ پیپلز پارٹی موثر عوامی رابطہ مہم کے ذریعہ اگلی حکومت بنائے گی۔ ضلعی جنرل سیکرٹری ڈاکٹر جاویداقبال کنجال نے کہا کہ لیہ میں پیپلز پارٹی کی رکنیت حاصل کرنے والوں میں نوجوان اور خواتین کی اکثریت ہے جو اس بات کا ثبوت ہے کہ نوجوان پی پی پی کے ساتھ ہیں، سٹی صدر شیخ خرم طارق، سٹی جنرل سیکرٹری عمر کیانی، انفارمیشن سیکرٹری کاشف باجوہ، علی شمسی ، رانا امتیاز ضلعی صدر پیپلز لیبر بیوروطاہرخان ،رفیق درانی اور دیگر عہدیدارن نے ممبر سازی حاصل کرنے والے افراد کو رجسٹر ڈ کیا۔ پیپلزپارٹی عہدیدران نے بتایا کہ رکنیت سازی مہم کا سلسلہ 31مارچ تک جاری رہے گا جس میں ضلع بھر سے شہریوں کو پی پی پی کا رکن بنایا جائے گا۔
