لیہ(صبح پا کستان)پیپلز لیبر بیورو ضلع لیہ کے زیر اہتمام افواج پاکستان سے اظہار یکجہتی ریلی نکالی گئی ریلی کی قیادت سینئر رہنما فیاض احمد اعوان،ضلعی صدر طاہر محمود خان نے کی ،ریلی دفتر پیپلز لیبر بیورو ضلع لیہ سے شروع ہو کر لیہ مائنر پر اختتام پذیر ہوئی ،اس موقع پر فیاض احمد اعوان اور طاہر محمود خان نے خطاب کرتے ہوئے کہا کہ پاکستان کا بچہ بچہ اپنی افواج کے ساتھ ہے ،پاکستان کی سیاسی قوتوں نے اتحاد کا مظاہرہ کرکے دانشمندی کا ثبوت دیا ہے ،سیاسی قوتوں کے اتحاد سے پوری دنیا پر واضع ہوگیا کہ جب بھی ملک کی سرحدوں کی حفاظت کی بات ہوگی پوری قوم اپنی حکومت اور عسکری قیادت کے ساتھ کھڑی ہوگی اس موقع پر ضلعی جنرل سیکرٹری رفیق خان درانی ،ضلعی ڈپٹی جنرل سیکرٹری فوجی محبوب الہی نے بھی خطا ب کیا
