لیہ ۔وطن عزیز کے دفاع کیلئے جمعیت علماء اسلام کے کارکنان ہر اول دستہ کا کردار ادا کرینگے۔قاری منور حسین

لیہ ( سٹاف رپورٹر)جمعیت علماء اسلام ضلع لیہ کے جنر ل سیکرٹری قاری منور حسین ،ضلعی ناظم انتخابات قاری عبدالغفور رحیمی ضلعی معاون مولانا محمد اصغر تمیمی نے پہاڑ پور ،کوٹ سلطان ،پیر جگی جماعت کی تشکیل نوکے دوران نئے منتخب عہدیداروں کو مبارکباد جماعت فعال کرنے کی ہدایت کی تمام ساتھیوں کے اتفاق رائے سے مولانا محمد صدیق پہاڑ پور کے امیر قاری عبدالخالق جنرل سیکرٹری ،مولانا محمد شعیب کوٹ سلطان کے امیر مولانا فاروق بشیر جنرل سیکرٹری قاری محمد عابد پیر جگی کے امیر قاری محمد رمضان جنرل سیکرٹری منتخب ہوگئے۔قاری منور حسین نے کہا کہ پاکستان کی جغرافی اور نظریاتی سرحدات کا ہر حال میں دفاع کرینگے ،رب کی دھرتی پر رب کے نظام کے نفاذکی جدوجہد کر رہے ہیں ۔وطن عزیز کے دفاع کیلئے جمعیت علماء اسلام کے کارکنان ہر اول دستہ کا کردار ادا کرینگے ۔قائد جمعیت حضرت مولانا فضل الرحمن کی قیادت میں ملک میں نظام اسلام کے نفاذ کی جدوجہد کرتے رہیں گے انہوں نے کہا کہ انڈیا اسرائیل گٹھ جوڑ ملک کیلئے خطرہ ہے دشمن نے اگر حرکت کی تو عبرتناک شکست دینگے ۔