لیہ ۔مہر امیر محمد میلوانہ نے حلقہ پی پی 283سے الیکشن لڑنے کا اعلان کر دیا

لیہ ( صبح پا کستان) یونین کونسل سرشتہ تھل کی سیاسی و سماجی شخصیت مہر امیر محمد میلوانہ نے حلقہ پی پی 283سے الیکشن لڑنے کا اعلان کر دیا ۔میڈیا کے نمائندوں سے گفتگو کرتے ہوئے انھوں نے کہا کہ علاقہ کی تعمیر وترقی کے لئے صوبائی حلقہ سے الیکشن لڑ رہا ہوں ۔انھوں نے کہا کہ علاقہ کی پسماندگی کو دور کرنے کے لئے عوام کی خدمت کرتا رہوں گا۔مہر امیر محمد میلوانہ نے کہا کہ میلوانہ برادری کے تین اشخاص مہر ارشد محمود میلوانہ ،مہر محمد اصغر میلوانیہ اور مہر گانموں میلوانہ میں سے کسی ایک نے الیکشن لڑنے کا اعلان کیا تو میں ان کے حق میں دستبراد ہوجاؤں گا ۔انھوں نے کہا کہ اگر ان میں سے کسی نے بھی صوبائی اسمبلی کے الیکشن میں حصہ نہ لیاتو میں الیکشن میں ہر صورت حصہ لوں گا ۔انھوں نے کہا کہ میلوانہ برادری ،رونگھہ برادری ،بوپیرا برادری ،چانڈیہ برادری ،کلاسرہ برادری کھکھہ برادری ،کورائی برادری،راجپوت برادری،ارائیں برادری کی اہم شخصیات جلد میری حمایت کا اعلان کریں گی انھوں نے کہا کہ میں آزاد امیدوار کے طور پر الیکشن لڑوں گا اور کامیاب ہو کر عوام کی بہتری اور علاقہ کی ترقی کے لئے اہم کردار ادا کروں گا ۔