لیہ {صبح پا کستان} پاکستان مسلم لیگ ن کے ڈویژنل صدر ڈیرہ غازی خان مہر اعجاز احمد اچلانہ ایم پی اے کی زیرصدارت اجلاس، سابق ایم این اے پیر سید ثقلین شاہ بخاری ڈسٹرکٹ مئیر کیلئے مسلم لیگ ن کے امیدوار نامزد،
اجلاس میں ضلعی صدر مہر محمد اسلم سمرا ،جنرل سیکرٹری چوہدری ظفر اقبال گجر ایڈووکیٹ ،پیر سید ثقلین شاہ بخاری ،پیر فیض الحسن سواگ ،ملک ریاض گرواں ،چوہدری غلام رسول جٹ ،ملک عبدالشکور سواگ ،حاجی محمد اسلم بپی، حاجی مہر نور محبوب میلوانہ ،عابد انوار علوی، صاحبزادہ محبوب الحسن سواگ ،چوہدری مشتاق احمد و دیگر نے شرکت کی، اس موقع پر متفقہ طور پر پیر سید ثقلین شاہ بخاری سابق ایم این اے کو ڈسٹرکٹ لیہ کے مئیر کیلئے امیدوار نامزد کیا گیا، اس موقع پر مہر اعجاز احمد اچلانہ نے گفتگو کرتے ہوئے کہا کہ انشاء اللہ فتح ہمارا مقدر بنے گی، جلد بلدیاتی انتخابات کیلئے تمام سیٹوں پر متفقہ امیدوار نامزد کیے جائیں گے، انہوں نے کہا کہ تمام مسلم لیگ ن کے عہدیداران ،کارکنان اورمعزز شہری پاکستان مسلم لیگ ن کے نامزد امیدوار کو کامیاب بنانے کے لیے اپنا کردار ادا کریں.
