لیہ(صبح پا کستان)ریلوے عملہ کی ملی بھگت سے ریلوے پھاٹک چوبارہ روڈ پر تجاوزات کی بھر مار،بڑے حادثہ کا خطرہ،لیہ شہر کے مرکزی روڈ چوبارہ روڈ نزد گلبرک ہوٹل کے ساتھ قائم ریلوے پھاٹک کے ارد گرد ریلوے عملہ و ریلوے پولیس کی ملی بھگت سے دوسرے صوبہ سے آنے والے پٹھانوں نے قبضہ کرکے ریلوے لائن کے اردگرد گرم کپڑوں کے مختلف سٹال لگا کر قبضہ کرکے تجاوز کیا ہوا ہے سٹالوں پر رش کی وجہ سے آمدورفت میں شدید مشکلات کاسامنا کرنا پڑتا ہے خرید و فروخت کیلئے آنے والے شہریوں کے ساتھ ان کے چھوٹے بچے بھی موجود ہوتے ہیں ریلوے لائن پر قائم سٹالز پر ریلوے گاڑیوں کی آمدورفت بھی رہتی ہے جس کی وجہ سے کوئی بڑے حادثے کا سبب بن سکتا ہے ،شہریوں محمد عرفان،محمدرمضان،نذیر حسین،عامر علی ،اسد قادری،لظیف حسین و دیگر نے ضلعی انتظامیہ و ریلوے حکام سے مطالبہ کیا ہے کہ ریلوے لائن کے اردگرد تجاوزات کا فوری خاتمہ کیا جائے۔
