لیہ ۔دیور نے بھابھی کو چھریوں کے وار کرکے زخمی کردیا خاتون ڈسٹرکٹ ہیڈ کوارٹر ہسپتال زیر علاج،مقدمہ درج ،ملزم فرار

لیہ(صبح پا کستان )دیور نے بھابھی کو چھریوں کے وار کرکے زخمی کردیا خاتون ڈسٹرکٹ ہیڈ کوارٹر ہسپتال زیر علاج،مقدمہ درج ،ملزم فرار،محلہ چاہ داد کی رہائشی خاتون زنیرہ کنول کی درخواست پر تھانہ سٹی لیہ میں زیر دفعہ 376ت پ،511ت پ مقدمہ درج کرلیا گیا درج ایف آئی آر کے مطابق زنیرہ کنول نے مؤقف اختیار کیا کہ ایک سال قبل محمد وسیم کے ساتھ شادی کی اور سسرال میں کمبائنڈ فیملی کے ساتھ رہائش پذیر ہوں خاوند بسلسلہ روزگار دبئی گیا ہوا ہے میرا دیور فہیم شہزاد اپنی بیوی بچوں کے ہمراہ اسی گھر میں رہائش پذیر ہے میرے خاوند کی عدم موجودگی کا فائدہ اٹھاتے ہوئے میرے دیور فہیم شہزاد نے مجھ پر بری نظر رکھ لی اور مختلف اوقات میں چھیڑ خوانی کرنے پر گھر والوں کو اس کی حرکات بارے آگاہ کیا گذشتہ روز گھر میں اکیلی تھی کہ دیور فہیم شہزاد گھر میںآگیا بدقماش دیور نے زبردستی کرنے کی کوشش کی انکار پر جان سے مارنے کی دھمکی دینے لگا طیش میں آکر تیز دھار چھری اٹھا کر حملہ کردیا اور کہا کہ آج تمہاری خوبصورتی کا خاتمہ کردوں اور مجھے پر پے درپے وار کرکے شدید زخمی کردیا زخمی خاتون زنیرہ کنول کو ڈی ایچ کیو ہسپتال منتقل کردیا اور پولیس تھانہ سٹی نے اندارج مقدمہ کرکے قانونی کاروائی کا آغاز کردیا ،ملزم فرار ہونے میں کامیاب ہوگیا۔