لیہ ۔دوران سروس بہترین خدمات سر انجام دینے پر ریٹائرڈ پولیس اہلکاران کو چیک تقسیم کر نے کی تقریب

لیہ( صبح پا کستان )ڈی پی اولیہ کی ہدایت پرڈسٹرکٹ پولیس آفس میں ڈی ایس پی ہیڈ کوارٹر طاہر گیلانی اور ڈی ایس پی ٹریفک فیاض احمد نے حالیہ ریٹائر ہونے وا لے پولیس ملازمین میں چیک تقسیم کیے ،دوران سروس بہترین خدمات سر انجام دینے پر ریٹائرڈ پولیس اہلکاران کو چیک تقسیم کیے ایسے اقدامات پولیس ملازمین کی حوصلہ افزائی کیلئے ہیں ۔
تفصیلات کے مطابق ڈی پی او لیہ ناصر مختا رراجپوت کی ہدایت پر ڈسٹرکٹ پولیس آفس میں ڈی ایس پی ہیڈ کوارٹر طاہر گیلانی اور ڈی ایس پی ٹریفک فیاض احمد نے حالیہ ریٹائرڈ ہونے والے پولیس ملازمین میں چیک تقسیم کیے ،سب انسپکٹر حق نواز ،سب انسپکٹر محمد امین،اسسٹنٹ سب انسپکٹر محمد اکرم ،کانسٹیبل محمد عبد الرزاق اور کانسٹیبل محمد اقبال حالیہ ریٹائرڈ ہونے والے پولیس ملازمین میں شامل ہیں دوران سروس بہترین خدمات سر انجام دینے کے اعتراف میں چیک دیے گئے اس موقع پر ڈی پی او لیہ کا کہنا ہے کہ دوران سروس پولیس ملازمین کو بہت مشکل حالات پیش آتے ہیں ایسے میں بہترین کا کردگی کا مظاہرہ کرناقابل تحسین ہے،ایسے اقدامات ان کی حوصلہ افزائی کے لئے ہیں ۔