لیہ ۔تھانہ سٹی پولیس کی بر وقت کاروائی ،06سالہ منیبہ کو اغواء کے کچھ ہی دیر بعد بازیاب

لیہ( صبح پا کستان ) تھانہ سٹی لیہ پولیس کی بر وقت کاروائی ،06سالہ منیبہ کو اغواء کے کچھ ہی دیر بعد بازیاب کر لیا،ملزم کے خلاف مقدمہ درج ،بچی کے والدین خوشی سے نہال ،والدین کا ایس ایچ او سٹی کی جانب سے بر وقت کاروائی کرنے پر شکریہ ،تفصیلا ت کے مطابق ترجمان لیہ پولیس نے بتلایا کہ تھانہ سٹی لیہ پولیس نے بر وقت کاروائی کرتے ہوئے 06سالہ منیبہ کو اغواء کے کچھ دیر بعد ہی باریاب کر لیا ،گزشتہ دن بچی کے والد محمد آصف نے ایس ایچ او سٹی کو اطلاع دی کہ اس کی 06سالہ بیٹی منیبہ کو سکول سے واپسی پر کسی نے اغواء کر لیا ہے ایس ایچ او سٹی محمد وسیم لغاری نے کوئیک رسپانس کرتے ہوئے پولیس ٹیم تشکیل د ے کر بچی کی تلاش شروع کر دی اس ضمن میں جدید ٹیکنالوجی سے بھی مدد لی گئی ،کچھ ہی دیر بعد پولیس نے بچی کو بازیاب کر کے والدین کے حوالے کیا اورملزم کے خلاف مقدمہ درج کر لیا،اس موقع پر ایس ایچ او سٹی کا کہنا ہے کہ ڈی پی او لیہ کے وژن عوام کی خدمت اور بر وقت انصاف کی بلا تفریق فراہمی کیلئے ہر ممکن کو شش کی جا رہی ہے ، بروقت کاروائی کر کے بچی کو بازیاب کرنے پر منیبہ کے والدین نے بے حد خوشی کا اظہار کرتے ہوئے ایس ایچ او سٹی محمد وسیم اکبر لغاری اور لیہ پولیس کا شکریہ ادا کیا