لیہ ۔بدنام زمانہ منشیات فروش شمعون اورچارلس شراب کشید کرتے اور فروخت کرتے ہوئے رنگے ہا تھوں گرفتار

لیہ( صبح پا کستان ) بدنام زمانہ منشیات فروش شمعون اورچارلس قانون کے شکنجے میں ،بھاری مقدار میں شراب ،چالو بٹھی اورآلات کشید شراب برآمد ،ایک اورکاورائی کے دوران فتح پور پولیس نے ملزم سے ناجائز اسلحہ برآمد کر لیا ۔
تفصیلات کے مطابق ایس ایچ او تھانہ چوک اعظم ملک یونس نے اپنی پولیس ٹیم اے ایس آئی شمس خان ،اے ایس آئی عصمت الامان و دیگر کے ہمراہ منشیات فروشوں کے خلاف کاروائی کی ،جس کے دوران بد نام زمانہ شمعون اور چارلس رنگے ہاتھوں شراب کشید کرتے اور فروخت کرتے ہوئے پکڑے گئے ،ملزمان کے قبضہ سے بھاری مقدارمیں شراب کی بوتلیں ،شراب کشید کرنے کے آلات ،اور چالو بٹھی برآمد ہوئی ،امتناع منشیات ایکٹ کے تحت مقدمہ در ج کر کے ملزمان کو بند حوالات کیا گیا ،ایک اور کاروائی کے دوران ایس ایچ او فتح پور نے ایک ملزم سے اسلحہ ناجائز پسٹل 32بور ،رائفل 12بور برآمد کر لی جبکہ ایک ملزم سے شراب بھی برآمد کر لی ،ملزمان کے خلاف الگ الگ مقدمات کا اندراج کر کے بند حوالات کیا گیا جرائم پیشہ عناصر کی گرفتاری سے جرائم میں کمی آئے گی جبکہ عوام کو احساس تحفظ ملے گا۔