لیہ( )ڈپٹی کمشنر اظفر ضیاء نے حالیہ بارشوں کے پیش نظر ہائی الرٹ جاری کر دیا ہے ۔ڈپٹی کمشنر نے متعلقہ محکموں کو تمام مشینری سمیت مستعد رہنے کی ہدایت کی ہے۔ ڈپٹی کمشنر نے کہا ہے کہ حالیہ بارشوں سے شہری اور دیہی علاقوں میں ممکنہ سیلاب کے پیش نظر تمام ضروری انتظامات مکمل کر لئے جائیں اور کسی بھی نا گہانی صورتحال سے نمٹنے کے لئے ریسکیو اور ریلیف آپریشن کے لئے تیار رہا جائے۔انہوں نے مزید کہا کہ تمام اسسٹنٹ کمشنرز اپنے متعلقہ علاقوں میں رابطہ کاری کو مزید مضبوط بنائیں اور بارش کے پانی کے نکاس کے لئے فیلڈ میں آپریشن کی خود نگرانی کریں۔ڈپٹی کمشنر نے مزید ہدایت کی کہ دستیاب وسائل کو سو فی صد بروئے کار لایا جائے اور شہروں سے بارش کے پانی کے نکاس کو جلد سے جلد ممکن بنایا جائے۔انہوں نے کہا کہ میونسپل سروسز بارے عوام کے تاثر کو مثبت بنانے کے لئے جنگی بنیادوں پر کام جاری رکھا جائے
