لیہ(صبح پا کستان)لیہ میں پاکستان تحریک انصاف خواتین ونگ کی نو منتخب عہدیداران نے حلف اٹھا لیا، صدر پی ٹی ا?ئی ومن ونگ جنوبی پنجاب ڈاکٹر روبینہ اختر نے عہدیداران ضلعی صدر ثوبیہ شاہین ایڈووکیٹ، نائب صدر شمائلہ، جنرل سیکرٹری ثریا بیگم، فنانس سیکرٹری اقرا، قاری عظمی، قاری عظمت اور دیگر عہدیداران سے حلف لیا،
صدر ومن ونگ پی ٹی ا?ئی جنوبی پنجاب ڈاکٹر روبینہ اختر کا کہنا تھا کہ تمام اضلاع کے دورے کرکے تنظیم سازی کو مکمل کیا جارہا ہے تاکہ ملک میں عمران خان کے نئے پاکستان کی تکمیل میں خواتین بھی اپنا حصہ ڈال سکیں، نو منتخب ضلعی صدر پی ٹی ا?ئی ومن ونگ لیہ ثوبیہ شاہین کا کہنا تھا کہ وہ پارٹی کو مضبوط بنانے میں بھرپور کردار ادا کریں اور خواتین کو متحد کرکے تحریک انصاف کا دائیں بازو بنیں گی،نو منتخب جنرل سیکرٹری ثریا بیگم کا،کہنا تھا کہ جلد تحصلیوں سمیت یونین کونسل کی سطح پر تنظیم سازی مکمل کرلی جائے گی، انہوں نے خواتین کو پیغام دیا کہ وہ تنظیم سازی میں بڑھ چڑھ کر حصہ لیں، تقریب حلف برداری میں ضلع بھر سے تحریک انصاف ومن ونگ کی متحرک خواتین شریک ہوئیں جنہوں عزم کیا کہ وہ پارٹی کی مضبوطی کے ساتھ عمران خان کے شانہ بشانہ چلیں گی۔
