ڈیرہ غازیخان(صبح پا کستان) محنت او ر دیانتداری سے فرائض سرانجام دینے والے ملازمین کسی بھی محکمہ کا اثاثہ ہوتے ہیں.ان خیالات کا اظہارڈائریکٹر پبلک ریلیشنز ڈیرہ غازیخان ڈویژن ریاض الحق بھٹی نے ریجنل دفتر تعلقات عامہ ڈیرہ غازیخان کے سینئر کلرک عبدالجبارخان کی ریٹائرمنٹ کے موقع پران کے اعزاز میں منعقدہ الوداعی تقریب سے خطاب کرتے ہوئے کیا.
اس موقع پر انفارمیشن آفیسر ز محمد جنید جتوئی، سپرنٹنڈنٹ سرفراز محمد اوردیگر افسران و ملازمین بھی موجود تھے ڈائریکٹر پبلک ریلیشنز نے کہا کہ ملازمت سے باعزت ریٹائرمنٹ کسی اعزاز سے کم نہیں.سینئر کلرک عبدالجبار خان نے کہا کہ افسران اور سینئر ز سے ہمیشہ رہنمائی ملی او راپنے فرائض انتہائی محنت، لگن او ر دیانتداری سے سرانجام دیئے.بعدازاں ڈائریکٹر ریاض الحق بھٹی اور دیگر نے عبدالجبار خان کو تحائف اور گلدستہ دے کر نیک تمناؤں کے ساتھ رخصت کیا.
