لیہ(صبح پا کستان)ناظمہ جماعت اسلامی ضلع لیہ غزالہ رؤف نے کہا کہ جماعت اسلامی پاکستان ملک بھر میں یکم سے 20مارچ تک تحفظ حقوق نسواں مہم کے طور پر منارہی ہے حلقہ خواتین لیہ کی خواتین 8سو کارکنان ضلع بھر کے گھر گھر،خواتین تعلیمی ادرروں،ہسپتالوں میں جاجاکر عورتوں کے تحفظ اور حجاب کا پیغام پہنچائیں گے،
7مارچ کی سہ پہر لیہ میں سینکڑوں خواتین تحفظ نسواں مارچ ریلی میں شرکت کریں گی انہوں نے کہا کہ سوسائٹی کے نصف خواتین کو پہلے پینا فلیکس،ہورڈنگز اور اشتہارات کا حصہ بنا کر بے توقیر کرنے کی کوشش کی گئی اب این جی اوز ہماری پاکدامن خواتین کو ڈی ٹریک کرنے کیلئے نت نئے جال بچھا چکی ہیں جبکہ پوری دنیا میں جب بھی خواتین ظلم کا شکار ہوتی ہیں یا پھر انہیں مشکلات کا سامنا کرنا پڑتا ہے پھر انہیں اسلام کی حقانیت کا احساس بھی ہوتا ہے اور اعتراف بھی کرتی ہیں انہوں نے کہا کہ این جی اوز یونین کونسل،دیہات کی سطح پر اپنے پنجے گاڑھ چکی ہیں مگر شمع رسالت سے روشنی اور اپنے ایمان کو منور کرنے والی خواتین یہود وہنود کے ایجنڈے کو کبھی بھی کامیاب نہ ہونے دیں گی انہوں نے مزید کہا کہ دنیا بھر میں جہاں جہاں خواتین اسلام کی روشنی سے منور ہورہی ہیں ان تمام نومسلم خواتین کا ایک ہی مؤقف ہوتا ہے کہ وہ دین اسلام کی سچائی اور اس کے پردہ کی اہمیت سے متاثر ہوئی ہیں کیونکہ انہیں تحفظ کا احساس دلاتا ہے جماعت اسلامی پاکستان کی حلقہ خواتین رشتوں کے احترام جس میں باپ،شوہر،بھائی شامل ہیں پر یقین رکھتی ہیں کہ اسلام نے جن رشتوں میں خواتین کو سمیٹا ہے انہی میں عورتوں کی عزت،عظمت اور تحفظ ہے اسی پیغام کو گھر گھر پہنچانے اور سازشی عناصر کے خلاف جماعت اسلامی حلقہ خواتین لیہ 7مارچ کی سہ پہر بڑی ریلی نکالیں گی اس موقع پر نگران سیاسی امور جماعت اسلامی خواتین لیہ زرتاشہ ندیم،صدر الخدمت فاؤنڈیشن لیہ خواتین سعدیہ فاروق،شگفتہ تنویر موجود تھیں۔
