لیہ (صبح پا کستان)ڈسٹرکٹ پولیس آفیسر لیہ محمد حسن اقبال کی ریٹائرڈ پولیس ملازمین کے ساتھ میٹنگ،چیک تقسیم،محکمہ پولیس میں سروس کے دوران پیش آنے والے حالات بارے تفصیلی گفتگو،دوران سروس سر انجام دی گئی خدمات کو سراہتے ہوئے قابل قدر قرار دیا۔
تفصیلات کے مطابق ڈسٹرکٹ پولیس آفیسر لیہ محمد حسن اقبال کی ریٹائرڈ پولیس ملازمین کے ساتھ دفتر پولیس کانفرنس روم میں میٹنگ، ریٹائرڈ انسپکٹر مظہر،ہیڈ کانسٹیبلز غلام دستگیر،ہیڈ کانسٹیبلان انصر عباس،مشتاق احمد،صفی اللہ،کانسٹیبلان عزیز اللہ،محمد صدیق اور ظہور بخش نے میٹنگ میں شرکت کی،ڈی پی او نے دوران میٹنگ ملازمان سے محکمہ پولیس میں سروس کے تجربہ بارے استفسار کیا،ملازمان نے بتلایا کہ ملازمت کے دوران مختلف چیلنجز کا سامنا رہا لیکن صبر اور حوصلے کے ساتھ مشکلات کا مقابلہ کیا،محمد حسن اقبال نے پولیس سروس کے دوران ریٹائرڈ ملازمان کی طرف سے سر انجام دی گئی خدمات کو سراہتے ہوئے انہیں قابل قدر قرار دیا او ر آئی جی پنجاب کی طرف سے جاری کردہ تنخواہوں کے چیک ریٹائرڈ ملازمان میں تقسیم کیے،آخر میں ملازمان کی تواضع بھی کی گئی۔
