لاہور۔حکومت ضروری بدلی،لیکن ملک کا نظام آج بھی ظالم کے ساتھ کھڑا ہے ڈاکٹر طاہر القادری

لاہور۔ پاکستان عوامی تحریک کے سربراہ ڈاکٹر طاہر القادری نے کہا ہے کہ سانحہ ماڈل ٹاون کے حوالے سے وزیراعظم سے پانچ بار بات ہو چکی ،حکومت ضروری بدلی ہے لیکن ملک کا نظام آج بھی ظالم کے ساتھ کھڑا ہے ۔

نجی نیوز چینل جی این این کے مطابق سانحہ ماڈل ٹاون کے شہدا کی پانچویں برسی پر لندن سے ویڈیو لنک کے ذریعے کارکنوں سے خطاب کرتے ہوئے انہوں نے کہا کہ افسوس کے ساتھ ملک کا نظام آج بھی سانحہ ماڈل ٹاﺅن کے متاثرین کو انصاف نہ دلا سکا ،قتل کی ذمہ داری ماڈل ٹاﺅن اور ر ائیونڈ تک پہنچا دی لیکن اس کے باوجود قاتلوں میں سے ایک بھی جیل تک نہ جا سکا ۔پاکستان عوامی تحریک کے سربراہ نے کہا کہ سانحہ ماڈل ٹاون سے منسلک 7اپیلیں ہائی کورٹ اور سپریم کورٹ میں زیر سماعت ہیں ۔