اسلام آباد . صدر مملکت ڈاکٹر عارف علوی نے ایل او سی پر فائرنگ سے شہیدہونے والے جوانوں کے اہلخانہ سے ٹیلی فونک رابطہ کیا،صدر مملکت نے شہدا کی بلندی درجات اور اہلخانہ کیلئے صبر جمیل کی دعا کی۔
میڈیا رپورٹس کے مطابق صدر مملکت ڈاکٹر عارف علوی نے ایل او سی پر دشمن سے لڑتے ہوئے جام شہادت نوش کرنے والے شہید سپاہی غلام حسین،حوالدار عبدالرب اورنائیک خرم علی کے اہل خانہ سے ٹیلیفونک رابطہ کیا ، صدر مملکت نے شہداکی بلندی درجات اور اہلخانہ کیلئے صبر جمیل کی دعا کی ۔
صدر مملکت نے شہداکے لواحقین سے گفتگو کرتے ہوئے کہاہے کہ پوری قوم ملک کے دفاع کےلئے ہمہ وقت تیار ہے، وطن عزیزکیلئے جان قربان کرنےوالوں کی قربانیوں کوہمیشہ یادرکھا جائےگا،ڈاکٹر عارف علوی نے کہا کہ قوم ان شہداکی قربانیوں کی مقروض ہے۔
