راجن پور ۔ رکن پنجاب اسمبلی سردار احمد علی دریشک سے گورنر پنجاب چوہدری محمد سرور اور وزیراعلیٰ پنجاب سردار عثمان بزدار کی تعزیت

راجن پور( صبح پا کستان )گورنر پنجاب چوہدری محمد سرور اور وزیراعلیٰ پنجاب سردار عثمان بزدار کی راجن پورآمد ۔ گورنر اور وزیراعلیٰ نے اکبر بزدار سٹیڈیم راجن پور میں رکن پنجاب اسمبلی سردار احمد علی دریشک کے والد سردار نوازش علی دریشک مرحوم کی قل خوانی میں شرکت کی ۔ چوہدری محمد سرور اور سردار عثمان بزدار نے رکن پنجاب اسمبلی سردار احمد علی دریشک سے ان کے والد کے انتقال پر دکھ اور افسوس کا اظہار کیا ۔ گورنر اور وزیراعلیٰ نے سردار احمد علی دریشک سے دلی ہمدردی و اظہار تعزیت کے بعدسردار نوازش دریشک مرحوم کی روح کے ایصال ثواب کیلئے فاتحہ خوانی اور دعائے مغفرت کی ۔ بعد ازاں رکن صوبائی اسمبلی سردار احمد علی دریشک اور ان کے بھائیوں کی دستاربندی بھی کی گئی ۔ رکن قومی اسمبلی سردار نصراللہ دریشک نے احمد علی دریشک ، وزیراعلیٰ سردار عثمان بزدار نے سردار شفقت خان دریشک اورگورنر پنجاب چوہدری محمد سرور نے سردار عاطف خان دریشک کی دستاربندی کی ۔ ممبر قومی اسمبلی سرادر نصراللہ دریشک، ڈپٹی سپیکر پنجاب اسمبلی سردار دوست مزاری، صوبائی وزیر لائیو اسٹاک پنجاب سردار حسنین بہادر دریشک، اراکین پنجاب اسمبلی سردار اویس دریشک، سردار فاروق امان اللہ دریشک، جاوید اختر لنڈ، سابق وزیراعظم سردار میر بلخ شیر مزاری، سابق پارلیمینٹیرینز ڈاکٹر حفیظ دریشک، شیر علی گورچانی، عاطف مزاری اور لوگوں کی بڑی تعداد نے قل خوانی میں شرکت کی ۔