راجن پور ۔گورنمنٹ پوسٹ گریجویٹ کالج راجن پور میں "ڈیم بناو ” مہم کے سلسلے میں واک ،پرنسپل ادارہ پروفیسر ڈاکٹر شکیل پتافی نے قیادت کی

راجن پور( صبح پا کستان )گورنمنٹ پوسٹ گریجویٹ کالج راجن پور میں "ڈیم بناو ” مہم کے سلسلے میں واک کا اہتمام کیا گیاجس کی قیادت پرنسپل ادارہ پروفیسر ڈاکٹر شکیل پتافی نے کی۔ جبکہ ڈپٹی ڈائریکٹر کالجز راجن پور پروفیسر ارشد حسین بخاری صاحب مہمان خصوصی تھے۔ اس واک میں کالج اساتذہ کے ساتھ ساتھ طلبا اور طالبات نے کثیر تعداد میں شمولیت اختیار کی اور فنڈ جمع کرنے کا عزم کیا۔ پروفیسر کلیم اختر قریشی، پروفیسر عبدالمالک بھٹہ، پروفیسر ڈاکٹر جاوید پتافی، نعیم خان،ابرارالحسن، اعجاز کورائی، بہزاد گل، محمد آصف اور پروفیسر ثاقب بھی موجود تھے۔